Мектепке дейінгі ұйымда ұйқыдан ояту сәтін тиімді ұйымдастыру арқылы бала денсаулығын нығайту»

Мектепке дейінгі ұйымда ұйқыдан ояту сәтін тиімді ұйымдастыру арқылы бала денсаулығын нығайту»

Авторы: Джумакулова Гульназ Рысбекқызы

Тәрбиеші

ЖШС "Жұлдызым" "Тарлан" балабақшасы

Алматы қаласы

Аңдатпа: Бұл мақалада мектеп жасына дейінгі балалардың түскі ұйқыдан кейінгі ояту кезеңін дұрыс ұйымдастыру жолдары, денсаулық сақтау технологияларын қолданудың тиімділігі қарастырылған.Кілт сөздер: шынықтыру, денсаулық сақтау технологиясы, ұйқыдан ояту, гимнастика, мектепке дейінгі тәрбие.

Кіріспе

Қазіргі таңда мектепке дейінгі білім беру ұйымдарында бала денсаулығын сақтау және нығайту өзекті мәселелердің бірі болып отыр. Баланың күнінің жартысынан көбі балабақшада өтетіндіктен, тәрбиешінің басты міндеті – балаға қолайлы, денсаулығына пайдалы орта жасау. Осындай маңызды режимдік сәттердің бірі – түскі ұйқыдан ояту сәті.

Негізгі бөлім

Түскі ұйқы бала ағзасын қалпына келтіреді, жүйке жүйесін тынықтырады. Ал ұйқыдан ояту сәті баланы түстен кейінгі белсенді іс-әрекетке дайындайды. Егер баланы дұрыс оятпаса, ол жылауық, мазасыз болады.

Біз өз тәжірибемізде ЖШС "Жұлдызым" "Тарлан" балабақшасында ұйқыдан ояту гимнастикасын 3 кезеңмен өткіземіз:

1-кезең: Төсекте жатып орындалатын жаттығулар.

Бала оянған бойда "Мысықша керілу", "Көбелек қанатын қағу", қол-аяқты созу жаттығулары жасалады. Бұл кезде жай, баяу әуен қосылады.

2-кезең: Шынықтыру жолы.

Балалар жалаңаяқ тұзды жолмен, қырлы тақтайшалармен, түймелі кілемшелермен жүреді. Бұл табандағы нүктелерге массаж жасап, иммунитетті көтереді.

3-кезең: Тыныс алу гимнастикасы және су ішу.

"Гүлді иіскеу", "Шарды үрлеу" ойындары арқылы тыныс алу жолдары тазаланады. Соңында балалар жылы су ішеді.

Осындай жүйелі жұмыстың нәтижесінде біздің топтағы балалардың ұйқыдан кейінгі көңіл-күйі жақсарды, түскі асты тәбетпен ішетін болды. Ата-аналар тарапынан оң пікірлер айтылуда.

Қорытынды

Қорыта айтқанда, дұрыс ұйымдастырылған ояту сәті – баланың дені сау, көңілді, белсенді болуының кепілі. Бұл әдіс Мектепке дейінгі тәрбие мен оқытудың мемлекеттік жалпыға міндетті стандарты талаптарына толық сай келеді.

Пайдаланылған әдебиеттер:

Мектепке дейінгі тәрбие мен оқытудың үлгілік оқу бағдарламасы, 2020 ж.А.Ж. Әбілқасымова. Денсаулық сақтау технологиялары.