Мектепке жол - қайырымдылық акциясы аясында

«Мектепке жол» республикалық қайырымдылық акциясы туралы анықтама

Мектебімізде 2020-2021 оқу жылында жетім 4, жартылай жетім-33, көпбалалы-304, аз қамтылған-150 оқушы анықталды.

Қазақстан Республикасында жыл сайынғы «Мектепке жол» қайырымдылық акциясы 12 жыл бойы өткізіліп келеді. Акция барысында әлеуметтік себептер бойынша мектепке бармайтын балаларды анықтауға, сондай-ақ халықтың әлеуметтік қорғалмаған топтағы балаларды мектепке дайындау бойынша көмек көрсетуге ерекше назар аударылды.

Мемлекет басшысы Қасым-Жомарт Тоқаевтың тапсырмасын орындау мақсатында қайырымдылық акциясы жыл бойы өтетін форматқа ауыстырылды. Жалпы акция мақсаты көмекке шынайы мұқтаж оқушыларды анықтап, көмек көрсету. Осы мақсатта Б. Қосынов орта мектебі 2020 жылдың наурыз-сәуір айларында мектебіміздің мұғалімдері арасында «Мектепке жол» қайырымдылық акциясы ұйымдастырылып, жиналған 80 мың теңге қаражатқа әлеуметтік жағдайы төмен 13 отбасыға азық-түлік себеттері таратылды. Әйтей ауыл тұрғындары арасында жиналған 40 мың қаражатқа 5 отбасыға азық-түлік себеттері табысталды.

«1 маусым балаларды қорғау күніне» орай ұйымдастырылған қайырымдылық акция барысында жиналған 45 мың теңге қаражатына мектеп 54 балаға түрлі тәттілер, балмұздақ, ойыншықтар, мектеп құрал жабдықтары берілді.

Қыркүйек айында «Салиқалы ұрпақ» қайырымдылық қоры ұйымдастыруымен 4 оқушыға құны 250мың теңге ноутбук берілді. Демеушілер тарапынан құны 50мың теңгеге 2 оқушыға планшет берілді. Демеушіміз Зекенов Ғалымжан мырза тарапынан 15000 теңгеге 3 оқушыға мектепке қажетті оқу құралдары және 2 оқушыға 2500теңгеден ұялы телефонға бірлік салып берілді.

«Жүрек жылуы» атты қыркүйек айында ұйымдастырылған қайырымдылық акциясына мектеп әкімшілігі мен ұжымы 80 мың теңге қаражат жинап, 1 оқушыға телефон, 10 оқушыға оқу құралдары, 10 отбасыға азық-түлік себеттері үлестірілді.

Қазақстан Республикасы Білім және ғылым министрлігі мен «Атамекенім» қоғамдық бірлестігі «atamekenim.kz» порталы арқылы өтініштер мен тізім бойынша мұқтаж отбасыларға көмек жинау туралы келісім жасасты. Осы орайда мектеп тарапынан 24 оқушы өтініш беріп, тіркелді. «Бірлік бар жерде - береке бар» дей отырып, мектебіміз алдағы осындай қайырымдылық іс шараларға жыл бойы атсалысады.