Мектептегі “Жасыл клуб”

«Жасыл клуб» жасақтары

Біртұтас тәрбие бағдарламасы негізінде Сарыөзек орта мектебінде білім алушылардың ерікті қатысуымсен «Жасыл клуб» жасақтары құрылды.

«Жасыл клубтың» мақсаты: оқушылардың табиғатқа құндылык көзқарасын қалыптастыру, экологиялық білім деңгейін арттыру, балалардың қоршаған ортаны қорғау және табиғи ресурстарды ұтымды пайдалану мәселелері бойынша хабардар болуы, өскелең ұрпақтың табиғатқа жауапкершілікпен карауына тәрбиелеу, экологиялык сауатты мінез-құлықты қалыптастыру.

Міндеттері: білім алушылардың жоғары экологиялық мәдениеті мен білімін қалыптастыру, қоршаған ортаны қорғау мәселелерін шешуде білім алушылардың әлеуметтік белсенділігін арттыру, оқушыларда экологиялық бағдарланған мінез-құлықты қалыптастыру және тұрақты даму мәселелерін шешуде практикалық дағдыларды игеру, мектептердің жұмыс тәжірибесіне биологиялық әртүрлілікті сақтау, энергия үнемдеу, су үнемдеу, калдықтармен жұмыс істеу болып табылады.

«Жасыл клубтың» негізгі қызмет бағыты:

1.Экологиялық білім беру жане ағарту;

2.Экологиялық тәжірибе;

3.Экологиялық еріктілік;

4.Экологиялық жобаларды құру;

5.Заманауи технологияларды қолдану;

Жоба бойынша жоспар құрылып, жұмыстар атқарылуда. Жоспар аясында бөлмеде көкөністерді өсіру іске асырылуда. Бүгінгі күні кресс салат өскіні өсірілуде, бұл орамжапырақ тұқымдасына жататын салат өсімдігі. Оның жапырағында С витамині, каротин апельсиндегіден көп. Сондай-ақ В1, В2, РР витаминдері бар және йод, темір, кальций қосындылары да көп. Кресс салат ең тез пісетін дақыл, шамамен он тәуліктен кейін пайдалануға жарамды болады. Алдағы уақытта құлпынай, қызанақ, қияр өсіру жоспарлануда.