Мектептің ішкі тәртібі

Мектептің ішкі тәртіп ережесі

Оқушы тәртібі туралы жалпы ереже:

• Оқушылар  сабаққа  10-15 минут ерте келуі міндетті.

• Сабаққа оқушы ҚР Білім және Ғылым министрінің 26-бұйрығына сәйкес  ұлдар — классикалық үлгідегі қара немесе қою көк шалбар, костюм, ақ көйлек, қыздар – қара немес қою көк юбка, ақ кофта киюге міндетті.

• Сыртқы киімін мектеп киім ілігішіне тапсырады.

• Сыныпта сынып жетекшісі тарапынан бекітілген орынға ғана отырып, өтілетін сабаққа қатысты оқу құралдарын даярлайды.

•    Мектепке және мектеп ауласына адам денсаулығы мен өміріне қауіпті заттар, жарылғыш немесе тез тұтанғыш заттар алып кіруге қатаң тыйым салынады. Әкелген жағдайда, оқушы әкімшілік жауапкершілікке тартылып, профилактикалық есепке алынады.

• Мектеп бағдарламасына сәйкес берілген үй тапсырмаларын күнделікке толтыруға және орындауға міндетті.    

• Сабаққа қатысты барлық қажетті оқу және жазу құралдарын әкелуге міндетті. 

• Сабақ уақытында мұғалімдердің рұқсатынсыз мектеп ауласынан тыс жерлерге шығуға, өзге де іс-шараларға қатысуға  болмайды.

• Оқушыға қалалық, облыстық, республикалық түрлі спорттық, мәдени іс-шараларға қатысуға және сабақтан босатылуға  мектеп директорының бұйрығы бойынша рұқсат етіледі.Бұйрық аясында балалардың өмірі мен денсаулығының қауіпсіздігіне жауапты педагог қызметкер бекітіледі.

• Оқушылар мектеп мүлкіне, өзінің және өзгелердің жеке мүлкіне ұқыптылықпен қарайды.

• Мектеп ғимаратында «қоңырау/жауап/смс» функциялары бар мобильді құрылғыларды қоспағанда, интернет модульдермен, фото-бейнекамералармен жабдықталған мобильді құрылғыларды әкелуге тыйым салынады.Тек оқу үдерісіне пайдалануға қажеттілік туындаған жағдайда әкелу керек

• Ата-аналарға және бөгде адамдарға сабақ уақытында мектеп ғимаратына кіруге болмайды (сырттан келген қонақтар кезекші вахтаға тіркеліп, рұқсат алып кіреді).

Оқушылардың сабақ уақытындағы тәртібі

• Сыныпқа мұғалім кіргенде оқушылар орнынан тұрып құрмет көрсетеді. Мұғалім амандасып болғаннан кейін және оның рұқсатымен орындарына отырады.Сондай-ақ, сабақ уақытында өзге де үлкен кісілер кірсе, орнынан тұрып құрмет көрсетеді.

• Әрбір мұғалім өз сабағы мен оқушылармен қарым-қатынас тәртібін Қазақстан Республикасының «Білім туралы» Заңы мен мектеп жарғысына сәйкес ұйымдастырады.

• Сабақ уақытында шулауға, өзін және сыныптас достарын сабақтан алаңдатуға, сабаққа қатыссыз іс-әркеттермен (мобильді телефонмен, айпад, наушник т.б заттармен ойнауға, әңгімелесу, күлу) айналысуға тыйым салынады.

• Сабақ уақытында сыртқа тек мұғалімнің рұқсаты бойынша ғана шығады.

• Оқушы сабақ уақытында мұғалімге сұрақ қойғысы  немесе қойылған сұраққа жауап айтқысы келсе қолын көтереді.     

• Әр оқушы өз орнының санитарлық жағдайын сақтайды.Сынып бөлмесіне қағаз, сағыз т.б. түрлі заттардың қалдықтарын тастауға болмайды.

• Әр оқушы өз орнының санитарлық жағдайын сақтайды.Сынып бөлмесіне қағаз, сағыз т.б. түрлі заттардың қалдықтарын тастауға болмайды.

• Қоңырау соғылған соң мұғалім оқушыларға өз сабағының аяқталғанын хабарлайды. Оқушылар орнынан тұрып, мұғалімнен кейін сыныптан шығады.

Оқушыларға тыйым салынады:

• Ер балаларға шаш өсіруге, әр түрлі түске бояуға, мектеп оқушысына тән емес стильде шаш үлгісін қоюға, әр түрлі зергерлік бұйымдар тағуға;

• Қыз балаларға шаштарын жаюға, әр түрлі түске бояуға, түрлі зергерлік бұйымдарды тағуға, тырнақтарын шектен тыс өсіріп, бояуға;

• Мектеп терезесінің алдына ойнауға, отыруға;

• Дәлізде не сыныпта бірін-бірі итеруге, алысуға, түрлі заттарды қолданып күш көрсетуге;

• Мектеп ғимараты мен ауласында темекі шегуге;

• Мектеп ішінде бейәдеп сөздер сөйлеп, шулауға, қатты дауыс шығарып күлуге;

Сынып кезекшісінің міндеті:

• Қоңырау кезінде сыныпта болуға;

• Сынып тазалығын қадағалауға;

• сыныпты келесі сабаққа даярлау үшін пән мұғаліміне көмектесуге;

Орындаған: 10 «б» сынып оқушысы Әміржан Жаннұр

Жетекшісі:Дәрібаева Салтанат