Мемлекеттік қызмет-елдің мүддесіне адал еңбек

Қарақия ауданы

Мұнайшы селосы

№5 орта мектептің

7 «Ә» сынып оқушысы

Әбіш Мерей

Мемлекеттік қызмет-елдің мүддесіне адал еңбек

Ел мен үшін не істей алады деп сұрама,

ел үшін өзім не істей алам деп сұра.

Джон Кеннеди

Адам үшін ең ғажабы, ең қымбаты да оның өмірі.Ал, өмір тірегі-жан-жақты жігері мен еліне жасаған адал еңбегі деп білем. Мемлекеттік қызметтің еңбегі тоқыраса, оның тіршілігі де тоқырай бастайтыны сөзсіз. Бұл қызмет –адамға жүктелген міндет.

Әлішер Науаи «Диқандықтың бақшасын кез, жемісін тат,адал істесең көңілің шат» демекші елдің мүддесіне адал жұмыс жасау-адам мәртебесін өсіреді.

Шынымен де, қырағы көздің көңілі өткір, сынаушының сөзі өткір. Ел мүддесіне қызмет еткен адам, сыннан да қалыс қалмайтыны сөзсіз.

Ел алдында қызмет ету бір ғанибет,

Білім іздеп,кәсіп табу әрекет.

Ерекше іс істесең ел алдында,

Отырарсың саясында жемісін жеп дегенімдей, мемлекет қызметкер ұлы елдің ұлы ісін атқарып отырғаннан кейін, жұмысты неғұрлым жетік және жақсы атқарса,білгір және шебер болып шығады.Қандай әрекет, қандай іс істесе де,содан рақмет табу,соның рахатын көру, әрбір мемлекет қызметкерлерінің арманы.Болашақта жеке мүддем үшін емес, ел мүддесі үшін адал қызмет атқаратын мемлекет қызметкері болғым келеді. Қазақта адамгершілігі мол,өз елінің қамын ойлаған адамды «Азамат» деген екен.Азамат-адамгершілік қасиеті мол,саналы адам екені мәлім.Менің ойымша нағыз азаматтар мемлекеттік қызметкерлер.Халық осыларға үлкен сенім артады,құрметпен қарайды.

Мектебіміздегі ұстаздар өткізген «Сыбайлас- жемқорлық» туралы дәрістері біздің санамызға әрбір істе ниет пен ойды жақсылыққа бағыштап,істеген істі сүйіспеншілікпен,зор жауапкершілікпен атқару,ешкімге, еш нәрсеге қиянат жасамау барлығы Отан мен елдің игілігіне айналатыны сөзсіз екеніне дәлел.