Мен - қазақпын!

Қозкенов Қазыбек Бағытжанұлы

Мен-қазақпын.

Мен - қазақпын!
Қазақпын деп мақтанамын,
Қазағымның салтын да сақтанамын.
Намысымды еш уақыт бермей қолдан,
Қазақ болып қашан да сақталамын.

Мен қазақпын!
Тәуелсізбін, еркінмін, қырандаймын,
Қыран болып өмірге туғандаймын.
Қояндарай үркеді кей адамдар,
Мен қырандай биіктен қарайлаймын.

Мен – қазақпын!
Айбарлымын, айбатты, барыспын мен,
Жау кездессе бетпе-бет, қарсы келем.
Сақтай алам елімді тәуелсіз қып,
Қажет болса ел үшін жанды берем.

Мен – қазақпын!
Қайсар әрі қайратты, мен – қасқырмын!
Бір Аллаға жанымды мен тапсырдым.
Бағынбаймын ешкімге, қорықпаймын,
Қорқынышты жүректен мен қашырдым.

Мен – қазақпын!
Сүрінбеймін мақсаттан, тайынбаймын,
Асаумын мен жүйрікпін тұлпардайын.
Төніп келсе аспаннан,
зұлымдықтың аждаха қара бұлты,
Қақ жаратын сол бұлтты найзағаймын.

Мен – қазақпын!
Ең алдымен тәуелсіз халықпын мен,
Бірлік пенен елдікті алып келген.
Көк туымды аспанда биік ұстап,
Тәуелсіз боп, бейбіт боп тарихқа енген.