Мен адаммын

Сабақтың мақсаты: Оқушыларға адамның өмірлік мақсат – мұратының маңыздылығын ұғындыру арқылы дұрыс әрекет құндылығының мәнін ашу

Білімділік: оқушыларға мейірімділік қасиеті туралы түсінік беру .

Дамытушылық: оқушыларды қамқорлық қасиетіне баулу

Тәрбиелік: оқушыларды қайырымдылыққа тәрбиелеу

Ресурстар:

(материалдар, дереккөздер)

1. tarbie.org

2. bilim-all.kz

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

Жағымды көңіл – күйге келу.

2. Үй тапсырмасын тексеру.

«Сабыр түбі – сары алтын» ертегісін оқып келу.

Сұрақтар:

1. Адамға сабырлық не үшін қажет?
2. Өзіңді сабырлымын деп санайсың ба? Неліктен?

3. Әңгімеден не түсіндің?

3. Сабақтың дәйексөзі.

Оқушыларға 3 рет айтқызып, дәптерге жаздырту.

Адам деген ардақты ат

4. Оқиға айту. (Мұғалім сыйы)

«Абайдың оң тоғызыншы қара сөзі»

5. Шығармашылық жұмыс.

Тапсырма:Жағдаяттарды шешіңдер.

Асханаға тамақтануға келгеніңде еденде шашылып жатқан нан қалдықтарын көрдің.
Сенің әрекетің?

Мектеп дәлізінде келе жатқанда жерде жатқан қолғапты байқап қалдың.
Сенің әрекетің?

Сабақтан үйге қайтқан жолда ауыр сөмкесі бар қарт адамды
кездестірдің.
Сенің әрекетің?

Үйге кіреберісте көршілеріңмен кезігіп қалдың.
Сенің әрекетің?

6. Топпен ән айту

Адам, бол адам!

Ай, жұлдыз аспан төсін алқалаған,

Жер – ана әлдилеген, арқалаған.

Нәзік гүл, алып емен, асау бұлақ –

Бәрі де саған күштар, дарқан адам.

Қайырмасы:

Адам бол,адам!

Адам бол, адам!

Сұлү бол,адам!

Жылу бол,адам!

Биікте бол, адам!

Сүйікті бол, адам!

Сүйікті бол, адам!

Тірліктің тәттілігі, қаттылығы,

Сағыныш, махаббат, мұң, шаттық үні.

Өтеді бәрі менмен жүрегіңнен

Секілді шеру тартқан ат дүбірі

Қайырмасы:

7. Үй тапсырмасы.

«Ұстаз бен шәкірт» аңызын оқып келу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.