Мен армандаған мамандық

Мен армандаған мамандық

Адам танымы мен қалауы,ізденісі мен еңбегі,қызығушылығы мен көзқарастарының түйіні белгілі бір шешімге немесе таңдауға тіреледі.Адам өміріндегі ең маңызды екі таңдаудың барын білезміз:біріншісі-жар,екіншісі-мамандық. Саналы адам,саналы түрде мамандық таңдау қажет. Міне бірер айдан соң мектеп бітіріп,үлкен өмірге жолдама аламын. Болашақта бізді үлкен асулар мен биік белестер күтіп тұр.Еліміздің игілігі үшін таңдаған мамандықтан жаңылмауымыз керек. Себебі бұл болашаққа тікелей байланысты. Мен армандаған мамандық түрі-журналист.Мамандық таңдау туралы шешімді көп ойланбадым.Себебі бала кезімнен көркем сөзбен айналысып,әдебиетті,тіл байлығын сүйдім.Мектепте оқып жүргенде,көптеген пікірсайыс ойындарында бас көрсетіп,жүлделі орын алдым.Дегенмен,қазір бұл арманымды нақты қолға алып айналысып,ізденіс пен талпынысымды,сүйіспеншілік пен жаңашылдыққа бастап дамытып келемін.Журналист болу үшін бойда жігерлі,жасқанбайтын батыл қасиет болуы шарт.Бұл қасиеттердің барлығы менің өн бойымда бар деп айта аламын және таңдаған мамандығым мамандық болып қалмай,өмірлік мәнге айналады деп үміттенемін. Журналистика әлемі мен үшін ақпараттық әрі шығармашылық алып мұхит. Орыс ғалымы Н.Михалковский айтқандай “журналист қоғаммен бірге қмір сүріп,қоғаммен бірге тыныстайды. Қоғам тірлігінің тамыры қиылса,журналистика да бітіп тынады”. Рас,бұл арпалыс пен айқасқа толы,буырқана бұлқынып,шарпысып жатқан сезімтал әлем болғандықтан өте жауапты алаң.Көкейкесті,өткір мәселелерді қозғайтын болғандықтан қоғамның ‘төртінші билігі’ деп айтатыны содан. Журналист-халық пен қоғам арасындағы көпір десек,қателеспейміз. Қорытындылай келе айтарым, мен таңдаған мамандық-балалық шағымнан алға қойған мақсатымның, қиялымды кеңге жайған аққанат арманымның нәтижесі. Болашақ бүгіннен басталады. Мен ұшқыр ойымды серік еткен өз ісінің шебер маманы болатыныма сенемін! Менің арманым- журналистика саасына өзіндік дара жолымды салсам деймін.