Мен атаммен мақтанамын

Мен атаммен мақтанамын

Міне, Ұлы Отан соғысының жеңіспен аяқталғанына бірнеше жыл өтті.Бұл сол кездегі кеңес халқының ержүректілігі мен төзімділіктерін паш ететін,тарихта мәңгілік қалатын күн.Бұл күн бәріміз үшін ерекше мереке.Бұл мереке бейбітшілік пен қайырылымдықтың мәңгі жасампаздығын,Отанын қорғаған жауынгер-солдаттар мен офицерлердің айбыны,тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Жеңіс күні біздің отбасымыз үшінде ерекше мейрам.Себебі,менің сүйікті атам Әмреев Құрымбай Ұлы Отан тыныштығы мен Жеңіс үшін күрескен жан. Атам 1915 жылы Жамбыл облысы,Құмарық ауылында дүниеге келген.Атамның жастық шағы өзінің тұстастары сияқты Ұлы Отан соғысының отты жылдарында майдан шебінде өтті.1939 жылы 24 жасында әскер қатарына алған.Әскери борышын аяқтаған соң алғашқылардың бірі болып майданға аттанады.Ол кісі елін неміс басқыншыларынан азат етуде ерік-жігерін аяған емес. Атамның тәжірбиелі барлаушы ретінде алған төрт әскери наградасы бар.Екі фашисті қолға түсіргені үшін екі мәрте «За отвагу» медалі және төрт рет тіл жеткізгені үшін «Даңқ» орденімен марапатталған. Соғыс аяқталған соң атам елге аман-есен оралады.Атам майданнан келе салып,отбасын асырау үшін еңбекке араласты.Осының бәрі майданнан жеңіспен оралған жауынгерлерге оңай болмады.Тіпті ішерге ас,киерге киім жоқ болған. Әмреев Құрымбай 1945 жылы колхозда малшы ,ал 1954 жылдан бастап совхозда ұзақ жылдар бойы механизатор болып жұмыс істеген.Кейін көп жылғы еңбегі бағаланып,медальмен марапаталады.Атамның он үш немересі,отыз бір шөбересі бар.Менің атам сияқты батырлар мыңдаған.Олардың барлығы Отан үшін өз жандарын қиғандар. Майдангер атам осыдан жиырма екі жыл бұрын қайтыс болған.Ол кісі балаларын аяқтандырып , немересінің алдын көрді.Атам Әмреев Құрымбай соңғы демі таусылғанша ұрпағының тыныш заманда өмір сүргенін тілеген еді. Қазіргі таңда атамызды әрқашан есімізге алып отырамыз. Міне,биыл Ұлы Отан соғысының жеңісіне 75 жыл толып отыр.Жеңіс күні-бұл сан мыңдаған ұрпақ үшін ортақ мереке.Бұл мереке абырой мен даңқымыздың мерекесі.Тек қана мереке ғана емес,ол біздің мақтанышымыз.Бұл күнді біз,өткенді еске түсіріп,ойланып ойдан сабақ алатын кез.Біз болашағымызды өзіміз жасаймыз , ал ертеңгі күнді өткен күннің негізінсіз құру мүмкін емес.