Мен чемпион сыныптан тыс іс - шара

«Мен чемпион» көңілді старт

Мақсаты: Салауатты өмір салтын ұстануға баулу. Спортқа деген қызығушылығын арттыру.

Түрі: Спорттық, жаттығу ойындары.

Өтілетін орны: Спорт зал.

Көрнекілігі: Түрлі түсті шарлар, Доптар, кедергілер,жалаушалар,

ысқырық, уақыт өлшеуіш.

Барысы:

I-Ұйымдастыру кезеңі

Оқушыларды топпен сапқа тұрғызу. Ойын шартымен таныстыру.

II-Негізгі бөлімі

Құрметті мұғалімдер, оқушылар бүгінгі «Мен чемпион» сайысына қош келдіңіздер! Көңілді жарысқа оқушылар қатысады.

Қатысушы топтар: Қыран тобы. Сұңқар тобы

Қыран тобының ұраны: «Бәріміз біріміз үшін, біріміз бәріміз үшін»

Сұңқар тобының ұраны: «Дені саудың - жаны сау»

Ұстанған салауатты өмір салтын,

Жасқанып, ешқашанда мойымайтын.

Болашақ спортшылар келді ортаға.

-Сайысымызды бастамас бұрын, әділқазылар алқасымен танысайық:

Рахимбергенов Ерлан, Рахимбергенов Қанат, Рахимова Жазира

Спорттық сайысымыз 5 ұпаймен бағаланады.

I-кезең «Секіргішпен секіру»

Шарты: Екі топқа бөлініп секіргішпен берзілген межеге жарыса жетеді.

II-кезең: «Аққала»

Шарты:

Допты жерге ұрып жүгіру, қайтарында сол допты келесі оқушыға

теуіп жібереді.

III- кезең «Тунель»

Шарты: Әр топқа матадан жасалған тунель беріледі. Әр ойыншы тунель

арасынан өтіп, белгіленген жерге дейін жүгіріп, орнына келеді.

IV-кезең «Кедергілер»

Шарты: Екі жол кедергілер қойылған әр топ кедергілерді құлатпай,

арасынан өтіп, айналып жүгіріп келу керек.

V-кезең «Мергендер»

Шарты: Әр ойыншы үрленген шарды атады, қанша шар жарғаны саналады.

Қорытынды:

Көрсетті міне өз өнерін балалар,

Сайыстың да соңы келіп таянар.

Жеңімпазды анықтайық қанекей,

Әділ қазы сайысты әділ бағалар – деп, сайысымыздың шарты бойынша қорытынды шығарып жеңімпаздарды анықтап, марапаттау үшін сөз әділқазыларға беріледі.

Спорт - көркі өмірдің,

Спорт-досың серігің.

Жаттықсаң шымыр боларсың

Шынығып, өсіп, толарсың,- демекші салауатты өмір салтын ұстанып, спортты серік етейік.

Солтүстік Қазақстан облысы Айыртау ауданы Мәдениет орта мектебі.

Дене шынықтыру пәнінің мұғалімі Саттыбаев Ринат Нуртаевич