Тақырыбы: «Кикілжің және оның шешу жолдары»
Мақсаты:
• Оқушылар арасындағы сыйластықты нығайту;
• кикілжіңнен сауатты шығу жолдары туралы пікір бөлісу;
Әдісі: тренинг сабақ
Көрнекілігі: Кикілжіңді жеңудің бес баспалдағы сызбасы, тірек сызба, баяу музыка.
Өтілу барысы:
І. Ұйымдастыру.
Тренинг «Амандасу»
«Сәлеметсіздерме!» сөзі қызыл, көк түспен әріптер слайдтта көрсетіледі. Дауыссыз әріпті
көрсеткенде қол соғамыз, дауысты әріп көрсетілгенде аяқ тарсылдатамыз.
Ұжым мүшелерін топқа бөлу: 2түрлі кәмпиттерді фалгамен қаптап, оқушыларға ұсыну арқылы
топқа бөлеміз.
ІІ.Негізгі бөлім.
Тақырыпты ашу
Құрметті оқушылар, бүгінгі біздің сабағымыздың тақырыбын анықтап алу үшін сіздерге бір сұрақ
қойғым келіп отыр.
Сұрақ: «Адамдар не себепті ренжіседі»?деген мәселе жайлы ойланып, жауаптарыңызды ақ
қағазға жазыңыздар. Барлық жауап нұсқаларын әр топ тақтаға іледі.
Ал енді талқылап көрейік.
Оқушылар жауаптары
•
Адамдар бір-бірін түсінбегенде
•
Өз эмоцияларын басқарып ұстай алмағанда
•
Өзге адамдардың ақылын тыңдамағанда
•
Үнемі өзінің басымдылығын көрсеткенде
Психолог: Балалар осыдан қандай қорытынды шығаруға болады?
Оқушылар: өз ойларын қорытып айтады.
Психолог:Өзара қарым-қатынас пен қарама-қайшылық бір мезетте тууынан болатын құбылысты
кикілжің дейміз. Кикілжің – бұл келіспеушілік, яғни басқа адамның пікірімен келіспеген
жағдайда пайда болады.
Бүгінгі біздің тақырыбымыз да сол туралы болмақ.
ІІІ.Тренинг: «Бір бірімізге жаман, жақсы сөз айтамыз» ойыны: бірінші топ жаман сөздер
айтса, екішші топ мадақтау, қолпаштау сөздерін айтады.
І-топ сен жамансың десе ,
ІІ-топ ия мен жаманмын келісемін, сен жақсысың рахмет деп айту керек.т.б
Талдау: жаман сөз айтқанда қандай сезімде болдыңдар, жақсы сөз айтқанда, мадақтау қолпаштау
естігнеде қандай сезімде болдыңдар?
ІV.«Жағдаяттан шығу» тренингі:
Екі ойыншы ортаға шығады, біреуі аурудан жаңа жазылып, бірнеше күн сабақтан қалып бүгін
бірінші рет сабаққак келіп тұр. Ал екіншісі сенің орныңда отыр. Сен сол сәтте- ақ, бұйыра сөйлеп
айқай шығаруың керек: «тез, дәл жаныңның барында орнымды босат!»- деп сонан соң екі
ойыншының іс-әрекеті мен реакциялары талқыланады.
Қорытынды:
-Жағдайды кикілжіңге жеткізбеуге болама?
-қандай ережелерді пайдалануға болады?

V.Аутотренинг: «Кешірім»
Баяу әуен ойналып тұрады, жайланып отырамыз.
• Алдымен өзіңізді өзіңіз тыныштандырып, денеңізді бос ұстап, еркін отырыңыз,
• Көзіңізді жұмыңыз
• Сіз тып-тыныш жерде, қаракөлеңке театрда отырсыз.
• Алдыңызда шағын сахна.
• Сахнада сізге ең ұнамайтын немесе сізді ренжіткен, сіздің көңіліңізді қалдырған адам тұр.
• Енді елестетіңіз: оның жүзінде күлкі үйірілген, жағдайы өте жақсы, сізге және сіздің
айналаңыздағы адамдарға сондай мейіріммен қарап тұр, өте бақытты деп біліңіз.
• Бірнеше минут оның оның жүзін анық көз алдыңызда ұстап тұрыңыз.
• Енді ол бейнемен қоштасыңыз.
• Сол сізді ренжіткен адам сахнадан кетісімен, өзіңізді сахнаға қойыңыз. Өзіңізді де тек
жақсы жағдайда елестетіңіз.
• Бақытты, күлкі үйірілген жүзбен тұрыңыз.
• Бұл әлемде жақсылық барлығыңызға да тең жететінін ұғыныңыз, барлық адамда бақытты
өмір сүруге құқылы екеніне өзіңізді сендіріңіз.
• Терең дем алып, демді барынша қайта шығарыңыз. Денеңізді босатыңыз. Өзіңізге былай
деңіз:
Менің өмір сүруіме кедергі келтіретін барлық өкпе, реніштен тазарғым келеді. Мен барлық
қысымнан осылайша босаймын. Барлық ескі реніш, өкпелерімнен құтылғым келеді. Мен жанға
рахат жайбарақаттылықты сезінемін. Мен өз қалпымдамын. Өз өмірімнің ағынымен барамын.
Бірақ өкпені ұмыттым, кештім.
VІ.Психологиялық кеңес:Кикілжіңнен аулақ болу жолдары:
• Серігіңіздің барлық сізге қойып тұрған кінәсін тыңдап алыңыз.
• Оның ашу, айқайына көңіл бөлсеңіз: өз эмоцияңызды ұстауға, әңгімені басқа
бір жағына ауыстырып жіберуге тырысыңыз. Сол сәтте күтпеген жерден
көңілді, күлкілі, жақсы сөз айтуға болады.
• Серігіңізді нақтылап теріс эмоциясыз айтуды өтініңіз.
• Сынға өтпей, үнемі сенімді және тең көзқарасты ұстануға тырысыңыз.
• Егер сізден қате кеткен болса, кешірім сұраңыз.
• Егер кикілжің бола қалған жағдайда әркім өзін-өзі ұстап, көңіл-күйін, сезімін
басқару керек. Ол үшін: - көңілді жағдайларды еске түсіріп, қалжыңдау,
көңіл-көтеру пайдалы. Өйткені күлкі денсаулықты жақсартып, адамның
көңіл-күйін көтереді. Көп күліңіздер, көңілді жүріңіздер. - ән, музыка тыңдау.
Музыканың жүйкенің қалыпқа келуіне көмегі бар.
Рекфлексия: Батыл 3қадам (мен білемін, мен үйрендім,мен қолданамын )
4. Қорытынды
Көңіл-күйіміз көтеріңкі болып, деніміз сау болуы үшін бүгінгі айтылған кеңестерге көңіл
бөліп, әрқайсымыз бұл дүниеде тек қонақ екенімізді ұмытпай сыйластықпен, жақсы қарымқатынаста болып, кемшіліктерімізді ақылмен түзете біліп, өз қателіктерімізді мойындай білсек,
бір-біріміздің жақсы қасиеттерімізді көбірек көре білсек, сонда ғана еңбектеріңіздің жемісін көріп,
алға жылжисыздар.
Егер проблемаңыз көбейсе онда жауабын тек өзіңізден іздеңіз. Дана халқымыздың мына бір
мақалын есте ұстайық: «Егер сен күлсең, бүкіл әлем сенімен бірге күледі, ал егер жыласаң жалғыз
жылайсың». Қай тәсілді қабылдауға болады? Бұл адамның өзіне байланысты, өйткені біз әр
түрліміз. Өмір болған соң кикілжіңге толы ситуациялар кездесіп тұрады. Ешкімге зиян келтірмей,
кез-келген ситуациядан шығуға болады.
«Егер сен күлсең, бүкіл әлем сенімен бірге күледі, ал егер жыласаң жалғыз жылайсың».