Тақырыбы: «Мен және қоғам»

Мақсаты: Балаларды өмірге деген бейімділік, табандылық қарым-қатынаста болуын қалыптастыру,өмірдің құндылығын сезіндіру, өз өміріне , өз сөзі , өз ойы және әрекетіне мұхият болуға тәрбиелеу.

Әдісі:сұхбаттасу

Көрнекілігі:слайд, бейне ролик, қағаз, түрлі –түсті қаламдар

Психологияляқ сәт. «Білесіздер, білмейсіздер» Балалар, Сабақты бастамас бұрын бір –біріміздің білетін және білмейтін жақтарымызды таныстырып алайық. Мысалы менің есімімнің Майра және екі баланың анасы екенімді білесіздер, домбыра тартатынымды білмейсіздер. Дәл осылай келесі бала әрі қарай жалғастырады.(Менің Сегізінші сыныпта 46 мектепте оқитынмды білесіздер, бірақ мейірімді екенімді білмейсіздер.Менің тегімнің Ефименко екенін білесіздер, бірақ әкемнің қазақ екенін білмейсіздер. Менің 51 мектепте оқығанымды білесіздер, Қазалыдан келгенімді білмейсіздер.Менің есімімнің Игорь екенін білесіздер, Абайдың өлеңдерін оқығанды жақсы көретінімді білмейсіздер.Менің 5 сыныпта оқитынымды білесіздер, бірақ сыныпта үлгілі оқушушы екенімді білмейсіздер.Менің еімім Азамат екенін білесіздер , бірақ өнерлі екенімді білмейсіздер. ) Жарайсыңдар, бір – біріміз туралы біраз мағлұматтарды білдік . Ендеше бүгінгі тәрбие сағатының тақырыбын білу үшін ребустын жауабын табайық.

Жоспары: Ұйымдастыру кезеңі Ребус шешу арқылы сабақтың тақырыбын ашу. I.Кіріспе II.Негізгі бөлім а) Класстер б) Қарлы кесек сұрақтары в) «Қоғам дерті» бейнеролик г)Сергіту сәті д) Шығармашылық жұмыс е) « Өзіңді ұстай біл» сахналық көрініс III. Қорытынды

Барысы : Ұйымдастыру кезеңі

Ребус шешу арқылы сабақтың тақырыбын ашу. Балалар экрандағы суреттер арқылы ребусты шешеміз. Қанеки,мұхият ойланып ребустың шешуін тауып көріңдерші. Қораз, ғарыш, мұз. Қораз сөзіндегі соңғы үш әріпті алып тастаймыз, ғарыш сөзіндегі соңғы үш әріпті ,ал мұз сөзіндегі соңғы екі әріпті алып тастаймыз. Қандай сөз шықты? -Дұрыс айтасыңдар ,қоғам деген сөз шықты. Ендеше бүгінгі тәрбие сағатымыздың тақырыбы «Қоғам және мен» деп аталады. К іріспе Қоғам сөзіне кластер құрып көрейікші.

Қоғам

Ұжым сыныбы отбасы

Балалар ,қоғам дегеніміз не?

Қоғам – бұл мүддесі мен мақсаты бір адамдардың бірлестігі. Адам өмірге келгеннен бастап белгілі бір қоғамда өмір сүреді. Адам үшін отбасы ,мектептегі сыныбы, колледждегі тобы, жұмыстағы ұжымы, достары мен құрбыларының маңызды орны бар. Қоғам болған соң әр адам сол ортада өзін қалай ұстау керектігін білуі қажет.

-Көпшілік орындағы жағдайға сендердің көзқарастарың қандай? -Қоғамдық орында нені істеуге болады , ал істеуге болмайтын әрекеттер қандай? Балалардың жауабы. Дұрыс айтасыңдар , көпшілік орындағы әртүрлі жағдайға адамдардың көзқарасы әртүрлі. Мысалы кейбір адамдар айналасындағыларға қарамай түкіріп немесе кекіріп ,кейде дөрекі сөйлеп жатады . Бұл дұрыс әрекет емес. Қоғамның ортасында тұрғандықтан әрбір адам өзін ұстап ,әдеп сақтай білу қажет.

Қарлы кесек сұрақтары .

Балалар , сендердің алдарыңа қағаздан жасалған қарлы кесектерді тастаймын. Әрқайсың өздеріңе түскен сұрақты мұқият оқып , толық жауап беруге тырысыңдар.

1.Қоғамның адаммен байланысы қандай? 2.Қазіргі қоғам жайлы сендердің ойларың?

Ия, қазіргі қоғамда үлкендер болсын, кішілер болсын бір – біріне зорлық – зомбылық көрсетіп жатады. Яғни бұл буллинг.Және кез-келген отбасында немесе мектепте бала да, ата-ана да, педагог та ұялы телефонда отырады.Бір-бірімен ешқандай байланыс, яғни не болып жатқаны туралы әңгімелесу мүлдем жоқ десек те болады. Соның салдарынан әлеуметтік желілер арқылы , ұялы телефон арқылы қорқытып , ашуландырып жатады.Дұрыс айтасыңдар бұл –кибербуллинг. 3. Буллинг дегеніміз не ? Буллинг – Дегеніміз ағылшын тілінен аударғанда «bullying»кемсіту, келемеждеу, қорлау, деген мағынаны білдіреді. Қарапайым тілмен айтқанда , буллинг дегеніміз – адамның өзгеге күш көрсетуі, қорлауы. 4.Кибербуллинг дегеніміз не? Кибербуллинг дегеніміз – біреуді цифрлық технологиялардың көмегімен қорқыту. 5. Өздерің достарыңнан немесе үлкендердің тарапынан буллинг көрдіңдерме? 6.Қоғам мен құқықты қалай байланыстыруға болады?

Жарайсыңдар , сұрақтарға дұрыс жауап бердіңдер.

Бейне ролик . «Біздің қоғам- біздің жауапкершілік» «Қазіргі қоғам дерті»

1. Бейнероликтен нені көрдіңдер? 2. Біздің қоғамымыздың қазіргі кездегі қателіктері қандай? 4. Біздің қоғам алдындағы жауапкершілігіміз қандай?

Дұрыс айтасыңдар, қоғаммен бірге өмір сүріп жатқандықтан қоғамдық жерде өзімізді дұрыс ұстап, ешкімге зәбір көрсетпей, айналамыздағы адамдарға көңіл бөліп ,жағдайын сұрап әңгімелесуіміз қажет. Айналамызға үлгі болатындай әдеп сақтап , жауапкершілікті білуіміз керек.

Шығармашылық жұмыс.

Жұппен жұмыс жасай отырып , қоғамдық қатынастарға мысал келтіру арқылы сурет салады.

Балалар , әрқайсың қасыңдағы достарыңмен жұптаса отырып , мына мысалдарға сурет саласыңдар.

1. Достық жақын адамдарыңмен емін –еркін әңгімелесуің 2. Ресми-жұмыс немесе сабақ сияқты ортақ істері бар адамдардың 3. Телефон арқылы сөйлесіп немесе ойын ойнап жатқан адамдардың 4. Қоғамдық ортада айналасын ластап отырған адамдарды

Өте керемет! Жарайсыңдар ,балалар . Сурет арқылы сендер қазіргі қоғамның дертін көрсете білдіңдер.

«Өзіңді ұстай біл» сахналық көрінісін ойна

Театрда, дүкенде , кітапханада, автобуста. Мына берілген орындарда өздеріңді қалай ұстау керектігі туралы сахналық көріністі көрсетулерің керек. Олай болса артістерімізге сәттілік

Ғажап ойнадыңдар . Жарайсыңдар ,үнемі қоғамдық орнында тәртіп сақтап , әдепті болыңдар.

Рефлекция. Балалар бүгінгі тәрбие сағатынан не білдіңдер? Кімге не ұнады?

Балалардың ойын тыңдап , тәрбие сағатын қортындылаймыз.

Қорытынды. Қоғам сөзіне қолайлы қоғамда өмір сүру үшін әрбір әріпке қажетті сипаттар арқылы қортындылау.

Қасиетті

Отанымызда

Ғажап

Адам болуға

Міндеттіміз

Балалар ,бүгінгі тәрбие сағаты арқылы өзіміздің қоғам мүшесі екенімізді және сол қоғамда өзіміздің жауапкершілігімізбен дұрыс әдеп сақтай білу керек екендеріңді, қоғамдық ортаны ластамау керектігін білдіңдер . Қоғамда қолайлы өмір сүру үшін әрдайым өзіңді дұрыс ұстап, өз пайдаңды келтіре білу керексіңдер.