Ақтөбе облысының білім басқармасы

Ақтөбе қалалық білім бөлімі

«Бақытты бала»меңгерушісі

Калиева Камшат Садыковна

Мен меңгерушімін

Әр мамандықтың  өз қиындығы, өз қызығы бар. Күнделікті таңертең балабақша ауласына жақындағанда, балалардың сыңғырлай күлген дауыстары мені қуанышқа бөлейді. Жылдар бойы реніш пен қуаныш, сәтсіздіктер мен табыстар қатар жүрді. Балабақша өмірімнің айнымас бір бөлігіне айналды. Мамандығым жайлы айтар болсам, бәріне мәлім ақиқатты қайталаудың қажеті жоқ шығар. Бірақ өзімнің негізгі кәсіби тезистерімді тұжырымдасам, олар: адамдардың алдында да, өзіңнің алдыңда да адал болу, өз міндетіңді кіршіксіз орындау, шығармашылық қабілеттеріңді дамыту, жаңаша ойлау, тәрбиеленушілерге және олардың ата-анасына сүйіспеншілік пен жылулық таныту, өз әріптестеріңнің жұмысын бағалау және оларға құрметпен қарау.

Педагогикалық ұжымды басқару ісі ерекше еңбекті,жауапкершілікті қажет етеді. Қызметтестеріңмен тығыз қатынаста болу, олардың күшті немесе әлсіз жақтарын білу, болып жатқан жағдайды түсіну қатаң басқаруды қажет етеді. Байсалдылық пен өзіңе деген сенімділік басшыны тартымды етеді, айналасындағы адамдардың қалыпты еңбек етуіне жағдай жасайды. Қандай жағдай болмасын, істің жалғыз дұрыс шешімін табуға жұмсаған еңбегіңді ешкім білмегені абзал. Себебі проблеманы шешу барысында өз ой-өрісіңді дамытасың, шыдамдылыққа үйренесің.

Балабақша  кіргеннен-ақ, өзімді мазалаған сан түрлі ойлардан арылып, балалардың тәтті қылықтарымен әдемі жүздерінен шаттанамын.

Меңгерушінің жұмысы күрделі .Шынымды айтсам, кейде жұмыстан үйге келгенде қатты шаршағанымды сеземін. Бірақ сол өткізген  күндерімді ой елегінен өткіземін. Заманауи басшы – бұл, ең алдымен, басқару психологиясын меңгерген өз ісінің маманы. Әрбір ұжымда даулы жағдайлар тууы мүмкін. Мұндай кезде жетекші ата-анаға да, тәлімгерлерге де тиімді, қызықты әрі бірегей шешім табуы тиіс. Уақыт өте кәсіби және жекебас мәселелері ажырағысыз болып кетеді. Балабақша өміріңнің жартысына, сүйікті үйіңе айналады, жұмыс уақыты мөлшермен реттелмейді. Ал басшының ең басты жетістігі деп педагогикалық ұжымның жоғарғы кәсіби біліктілігін атауға болады.

Менің ойымша, білім беру мекемесінің басшысы қазіргі өмірдің қойған талаптарын ескере отырып, өзіндік педагог моделін құруы тиіс. Сондағы алдыңғы шарттардың бірі болып педагогика мәселелері шығады.

Табысты көшбасшы алдыға мақсат қоя білу керек. Ол болған жағдайды тек ақылға сүйеніп емес, ішкі түйсігімен сезінуі керек. Ішкі түйсігі басшыны алдамайды, себебі ол жылдар бойғы тәжірибесінен жинақталады.

Дегенмен, ішкі түйсігінен басқа, басшы балабақшаның қалыпты жұмыс істеуі үшін, көбіне қаржы мен шаруашылық қызметке көңіл аударуы тиіс. Бұл да - басшы қызметінің маңызды құрамдас бөлігі. Биік көрсеткіштерге жету үшін, басшының тәрбиеленушілерге, қызметкерлерге қолайлы тұрмыстық жағдай жасауы қажет. Балабақшаны басқару деген – бұл қырлары көп, қиын, сонымен қатар қызықты әрі шығармашылыққа толы жол. Қорытынды ретінде айтар болсақ, басқарушының алтын ережесі – өзің үшін емес, біреу үшін емес, бәрімен бірге және барлығы үшін өмір сүру керек. Мектепке дейінгі тәрбиелеу мекемелерінде баланы тәрбиелеу ісі көбіне меңгеруші мен тәрбиеші-методистің бірлесе отырып жасаған басшылығының тиімділігіне байланысты болады. Методикалық жұмыста ұйымшылдықтың, жоспарлылықтың, қойылған міндеттің мейлінше қысқа мерзімде оңтайлы шешімін табуды қамтамасыз етудің, басталған істі аяғына дейін жеткізудің, болашақты көре білудің және соған коллективті жұмылдыра алудың маңызы зор. Меңгеруші В.А.Ленин «...басшы өзінің қалай басқарып отырғанына ғана емес,сонымен қатар өзінің басқаруындағы адамдардың не істеп отырғанына да жауап береді» дегенін есінде ұстауы тиіс.