Тәрбие сағатының тақырыбы

«Мен Тәуелсіз еліммен мақтанамын»

Күні:

09.12.2024

Сынып жетекшісі

Сынып

5 «а»

Оқу мақсаты

Балалардың  Отан, Рәміздері, Елтаңбасы, Тәуелсіздік күні туралы түсініктерін молайту. Мәнерлеп тақпақ айтуға, сахналық көріністерді көрсетулері арқылы еліне, отанына деген сүйіспеншіліктерін арттыру. Отанын, елін сүюге тәрбиелеу.
Еліміздің Тәуелсіздігіне орай өткізілетін мерекелік ертеңгілікке  балалар залға  ту, шармен кіреді.

Құндылықты дамыту

Ұлттық мүдде, патриотизм, ынтымақтастық.

Күтілетін нәтиже

Танымдық көзқарасы қалыптасады. Ой – өрісі , таныымдық дүниетанымы қалыптасады.Логикалық ойлау , сөйлеу қабілеттері шыңдалады.Туған жерін құрметтейтін саналы ұрпақ қалыптасады.

Сабақтың кезені/ уақыт

Педагогтың әрекеті

Оқушының әрекеті

Ресурстар

Сабақтың

басы

Сәлемдесу. Гимн орындалады .

Сәлеметсіздер ме,балалар, қонақтар, әріптестер! Бүгінгі «Тәуелсіздік»  күніне арналған «Тұғыры биік Тәуелсіздік» атты мерекелік ертеңгілігімізді бастаймыз.
-Балалар, біздің Отанымыз қалай аталады ? Қазақстан.
- Қазақстан қандай мемлекет? Қазақстан тәуелсіз, егеменді мемлекет.
-Еліміздің елордасы қай қала? Нұр-Сұлтан.

-Біз тәуелсіз елдің түлегі болғанымызға шексіз қуанамыз. Біздің отанымызды  әлем таныды. Осы сәтте Отан туралы еріксіз ойға берілесің. Бұл ұғымның аясы кең. Отан – далаң, орман, тауың, ауылың..
Отан туралы тақпақтарымызды айтайық.

Ержан
Тәуелсіздік – тартуы ол тәңірдің,
Тәуелсіздік – маңдайдағы бағым бұл.
Тәуелсіздік – сыбағасы халқымның,
Тәуелсіздік – таймайтұғын тағым бұл.

Тәуелсіздік – бабам берген аманат.
Тәуелсіздік келешектің кепілі.
Тәуелсіздік жүрмін сені бағалап,
Тәуелсіздік өткен күннің өтілі.

Айсезім

Тәуелсіздік елдеміз,
Қуанамыз күнде біз.
Ата-бабам қалдырған,
Қазақтың біз батырымыз сенсеңіз!

Тәуелсіздік еліміз
Мәңгі жасар жеріміз
Тәуелсіздік жасаған
Аға, Әпкелеріміз.

Ерасыл

Отандыәркіманасындай,

Қастерлейдібағалап

ӨйткеніОтанбаласындай

Біздіөсірераялап.

Дастан

Сарыарқаның даласында,

Күн шуағын төккен күн.

Елім менің,жерім менің,

Баққа қолы жеткен күн.

Осы өлең жолдарын тыңдап отырып не естеріңе түсті? Және бүгінгі сабақтың тақырыбы қандай болады деп ойлайсыңдар?

Мен оны мәңгілікке сүйіп өтем,-деп,М.Мақатаев жырлағандай,әрбір адам өз елін,жерін –Отанын сүйе білу керек.Біздің туған еліміз-Отанымыз-кең байтақ Қазақстан.?

Отанымыз,туған жеріміз, еліміз жылдан жылға көркейіп жаңарып өсіп өнуде. Олай болса балалар, «Біздің  Отанымыз » әнін бірге тамашалайық

«Миға шабуыл» әдісі

Сұрақ-жауап әдісі

1. Қазақстан тәуелсіздігін қай жылы алды?

2. Елбасымыз кім?

3. Тәуелсіздік дегенді қалай түсінесіңдер?

4. Биыл тәуелсіздіктің неше жылдығын тойлаймыз?

Тәуелсіздік жолында қазақ бабам не көрмеді десеңізші?

Еліміздің басынан азапта, аштықта, соғыста өтті. Бірақ мойымады, күресе білді. Азаттық таңы ататынына кәміл сенді.Енді өткен кейбір тарихи оқиғаларға шолу жасайық

« Азаттық таңы» слайд көрсету.

« Сергіту сәті» « Адасқан сөздер» ойыны

Екі топқа кеспе қағаздағы сөздерді беремін 1. Отаны бірдің жүрегі бір ,

Жүрегі бірдің тілегі бір.

2. Туған жердей жер болмас,

Туған елдей ел болмас

Сұрақ- жауап әдісі

Еліміз тәуелсіздік алғаннан кейінгі қандай жетістіктерге жетті?

Оқушы ойын тыңдау.

Еліміздің жеткен жетістіктерін көрсету. (Слайд)

« Кластер әдісі» Тәуелсіздік не берді?

Әр топқа «Тәуелсіздік не берді?» деп жазылған кесте қағаз беріледі. Топтағы оқушылар бірлесе отырып, сұраққа жауаптарын жазады. Болған топтан сұрап, оқытып талдау жасау

Оқушылар сынып жетекшісімен амандасады

Оқушылар өз болжамды жауаптарын айтады

Оқушылар тақпақтарын айтады

Оқушылар сабақтың тақырыбын анықтайды

Көрнекіліктер

Сабақтың

ортасы

Иә/жоқ тесті

1) Біздің Отанымыз Қазақстан Республикасы (Иә)

2) Оның Астанасы Алматы қаласы (жоқ)

3) ҚР Мемлекеттік Туының авторы Шәкен Ниязбеков. (Иә)

4) Біздің Президентіміз Н.Ә.Назарбаев (Иә)

5) Елтаңбаның авторы Шәмші Қалдаяқов (жоқ

Тәуелсіздік тұғырын желбіреткен,

Қазағымның жүрегін елжіреткен.

Мақтан етем елімнің берекесін

Құттықтаймын шын жүректен мерекесін.

Мұғалім. Бүгінгі ұрпақ -халқымыздың болашағы, еліміздің ертеңі. «Ұрпағы білімді халықтың болашағы бұлыңғыр болмайды» дегендей, жас ұрпаққа мән-мағыналы, өнегелі тәрбие мен білім беру – бүгінгі күннің басты талабы. Қайсар рух пен қара күшті қару етіп, еркіндік үшін күрескен бабаларымыздың ерлік жолындағы күресі бүгінгі таңда айбыны аспан тіреген тәуелсіздік тұғырын биіктетті. Қазіргі таңда жаңа көзқараспен қарайтын жалынды жастар еліміздің жаңару үдерістеріне белсене қатысып келеді. Алысқа қол сермеп, әлемдік деңгейдегі ұстанымды игеріп, келешектің кілтін өз қолдарына алуда. Әрбір өскелең ұрпақ жеке қабілетіне және кәсіби біліміне сай қоғамымызда өз орнын табуы қажет. Біздің әлеуметтік-экономикалық даму жолындағы қарқынымыз, жастардың қоғамдық-саяси өмірдегі ұстанымына, олардың ертеңгі күнге деген сенімі мен белсенділігіне тікелей байланысты. Ендігі кезекте тәрбие мазмұны мен жастарды тәрбиелеу ісі олардың дүниетанымын қалыптастыру және ақпараттық-саяси мәдениетін көтеруге баса көңіл аударуға тиіспіз.

«Ойтолғау» Мен жастарға сенемін, - дегендей енді өз пікірлеріңізді білдіріңіздер. 1 – сұрақ: Қазақстанды 2030 жылы қалай елестетесің?2 – сұрақ: Қазақстанды гүлдендірудегі өз үлесің. (Жақсы жарайсыздар)

Менің жастарға айтарым, мемлекет және өздеріңнің ата – аналарың сендердің сапалы білім алуларың үшін қолдан келгеннің бәрін істейді. Сондықтан ел алдындағы, аға ұрпақ алдындағы жауапкершілікті ұмытпайық. Ерінбей, жалықпай білім алыңыздар. Жұмыс істеуді үйренейік. Қоғамымыздағы бар жаманат атаулыдан жиреніп, олармен келіспейтін болыңыздар. Жалған әдеттен безіңіздер. Ел – болашағы мына сіздердің қолдарыңызда

Міне балалар бүгін мәнді де мағыналы тәрбие сағатымыз өз мәресіне жетті. Қазақстанымыздың болашағы жарқын болу үшін біз аянбай еңбек етуіміз керек. Яғни еңбек ету үшін белгілі бір мақсатымызға жету үшін біз білімді, тәрбиелі, өнегелі болуымыз керек.Еліміздің болашағы міне болашақ жас ұрпақ сіздердің қолдарыңызда. Солдықтанда әрқашанда білімді, алғыр, тәрбиелі болыңыздар

Оқушылар өз болжамды жауаптарын айтады

Оқушылар сұрақтар бойынша өз ойларын айтады

Қима қағаздар

Презентация, видео

Сабақтың соңы

Қорытынды бөлім

Балалар бүгінгі сабақты қорыта келе сендерге «Еліме тілек» атты оынын ұсынамын. Әрқайсың қолдарыңдағы гүлдерге өз тілектеріңді жазыңдар. « Елімізді гүлдендірейік» еліміздің картасына гүлдеріңді жапсырасыңдар.