Күні: 22.02.2016ж. Тәрбиеші: Еспенбетова Н.С.

Әдіскер:

Білім беру саласы: Әлеуметтік орта.

Бөлімі: Көркем әдебиет.

Тақырыбы: «Менің елімнің рәміздері» (өлеңді жаттау)

Мақсаты: өлеңді дауыс ырғағын келтіре отырып оқу, мазмұнын ашу; балаларды еліміздің рәміздерін қастерлеуге, туған жерін, Отанын сүюге тәрбиелеу; имандылық, адамгершілік тәрбиесіндегі үлгі-өнеге сөздерді үйретіп, елді қорғауға баулу.

Көрнекіліктер: елтаңба, ту суреттері, гимн мәтіні.

Сөздік жұмыс: елдігімнің белгісі, рәміздер.

Билингвальды компонент: Отан-Родина, ту-флаг, рәміз-символ, елтаңба-герб.

Балалардың іс-әрекеті

Мотивациялық-қозғаушылық

Шаттық шеңбері.

-Менің Отаным өте сұлу!

-Менің Отаным өте бай!

-Менің Отаным әдемі!

-Менің Отанымда барлық ұлттар тату тұрады!

-Мен Отанымды, рәміздерімді мақтан етемін!

Балалар шаттық шеңберіне тұрып, бір-біріне жылы лебіздерін білдіреді.

Ұйымдастырушылық-ізденістік

Кіріспе әңгіме

-Бүгін біз туған жеріміз-Отанымыз туралы әңгімелесеміз.

-Қазақстан Республикасының рәміздеріне не жатады?

-Қазақстан Республикасының өз елтаңбасы, туы, гимні бар.

-Енді, балалар, ақын Нұрлан Қалқаның «Менің елімнің рәміздері» өлеңімен танысамыз.

Рәміздерім-елдігімнің белгісі,

Білу керек бала дағы ең кіші.

Рәміздерім-елтаңба, ту, гимнді,

Рәміздерді жатқа білген жөн кісі.

Сөздік жұмыс: Елдігімнің белгісі, рәміздер.

Билингвальды компонент: Отан-Родина; ту-флаг; рәміз-символ; елтаңба-герб.

Дәптермен жұмыс.

Сергіту сәті.

Біз кішкентай баламыз,

Өсіп-өніп, толамыз.

Күнге қарай талпынып,

Көкке қолды созамыз,

Қанат қағып ұшамыз,

Қарлығаштай самғаймыз.

Дидактикалық ойын: «Менің сүйікті қалам».

Ойынның шарты: балалар дөңгелене шеңберге тұрады. Ойын бастаушы «Сүйікті қалаңды ата!»-деп, допты бір балаға лақтырады.Бала жауабын айтып, келесі балаға лақтырады.

Біздің Отанымыз-Қазақстан.

Балалардың

жауаптары.

Балалар өлеңді қайталай отырып жаттайды.

Қайталайды.

Балалар қимылмен сергіту сәтін орындайды.

-Менің сүйікті қалам-Астана!

-Менің сүйікті қалам-Алматы!

-Менің сүйікті қалам-Қарағанды!

Рефлексиялық-түзетушілік

Қазақстан Республикасының бас қаласы-Астана.

Қазақстан қазба байлықтарға өте бай.

Қазақстан Республикасының рәміздерін құрметтеу керек.

Балалардың толық жауаптары тыңдалады.

Күтілетін нәтиже:

Орындайды: Қазақстан Республикасының рәміздерін жатқа айтады.

Түсінеді: Қазақстан Республикасының рәміздеріне құрметпен қарауды, Отанын қорғау міндеті екенін түсінеді.

Қолданады: рәміздерді мәнерлеп суреттей алады.