Эссе

«Менің ағам»

Менің отбасым ең бақытты отбасылардың бірі. Себебі, біздің арамызда, түсіністік пен сыйластық, бірлік пен татулық, сондай -ақ үлкен сүйіспеншілік орнаған. Осындай отбасында біз, бақытты екі баламыз. Үлкен ағам және мен. Менің ағам- ағалардың ағасы. Дүниені танып, ес білген шағымнан -ақ ,ағам маған қамқор. Ең алғашқы қадамымды жасаған кезде ата -анаммен бірге қуанған да, мен мұңайсам бірге мұңаятын, шаттанғанда бірге шаттанатын да ол - ағам! Қолымнан келмей жатқан істердің барлығына маған жол сілтейтін де, ақылын айтар ақылшым - ағам. Сауатымды ашар шағымда әріптерді тізіп үйреткен де - ағам. Мені әрқашан қорғап, «қанаттыға қақтырмай тұмсықтыға шоқыттырмай» өз қамқорлығына алған да қамқоршым - ағам. Ағама қарап, үлкенді құрметтеуді, кішіні ренжітпеуді, қамқорлықпен шынайы дос болуды үйрендім. Осындай ағамның барына шын жүрекпен қуанып, мақтан тұтамын! Барлық істеріне мен де қолдау көрсетіп, өмірінде барлығы өзі жоспарлағандай болуын қалаймын! Менің ағам - ағалардың ағасы!