Менің әжем

Менің әжем

Менің әжем өте мейірімді, ақылды жан еді. Мен үйдің тұңғышы болдым. Әжем: «өздеріңе бала тауып алыңдар, бұл менің балам»-деп, мені бір жасқа келгенде, қойнына қысып үйіне алып кетіпті. Содан бері он үш жыл өтті, мен әжемнің баласы болып қала бердім. Мектепке алғаш өзі жетектеп апарғаны әлі есімде. Біреулер тиіссе,әжемді алып келетінмін.Әжем екеуміз күнде түстен кейін сабақ оқып, үй жұмысын орындайтын едік. Мені адалдыққа, білімге құштар болуға тәрбиелеген әжетайым еді. Әжемнің үнемі менің қасымда болғанын қалайтын едім. Бірақ, қазір әжем қасымда жоқ, мен оның орнын сипап қала бердім. Аяулы әжем екі ай ғана ауырып, өмірден озды. Мен қазір өз әкем мен шешеме келдім. Олар менің туғандарым болса да, маған бөтен болып тұрады.Кейде әжем есіме түссе, жүрегім сыздап ауырады. Әжемнің:«құлыншағым,ботақаным,айналайын»-деген сөздері үнемі құлағыма келеді. Маған әжем айтатын:«көп оқы, білімді, еліңді сүйер азамат бол!»-дейтін. Иә, мен әжем сенімін ақтап, білімді азаматша боламын!

Саденова Алина 9 сынып оқушысы