Менің алғашқы ұстазым
Алғашқы ұстаз - бізге білім беріп қана қоймай, сонымен қатар оқуға деген
ынтамызды ашқан жан. Біздің өмірімізде ұстаз үлкен рөл атқарды және бізді
білімді, сауатты оқушы етіп, осындай дәрежеге жеткізгені үшін алғыс
айтуымыз керек. Ұстаз баланың екінші анасы болып саналады. Ұстаз болмаса,
баланың ертеңі не болмақ? Білімді беруші оны ұғындырушы - ұстаз. Ұстаз
жоқ болса біз ешқашан білім үйрене алмас едік. Өмірдің мәні білімнен
басталады. Білімді бізге ұғындырушы - ұстаз. Мектептің сәні де, мәні де
ұстазда. Ұстазға қарап оқушы бой түзейді. Ұстаздың орны оқушы үшін
ерекше. Бізге ең алғаш қалам ұстатып,әліппені оқытуды үйреткен, әріптерді
бізге танытып, көзімізді ашқан, білімге деген құштарлығымызды оятқан жан ұстаз.
Әлі мектепке бармаған кезімде ұстазым кім? қандай болады деп қатты
қорыққаным әлі күнге дейін есімде. Ең алғаш мектеп табалдырығын аттаған
сәттен ақ, басқа әлемге кіргендей болдым. Бастапқыда бойымда үрей болды.
Бірақ алғашқы ұстазымды көрген сәтте қорқынышым судай басылды. Жүзі
жылы, мейірімді мұғалім болатын. Бастапқы кезде ұстазыммен тілдесу
қиынға соқты. Сырласып, әңгімемді айтқым келетін. Бірақ олай жасау мен
үшін қиынға соқты. Менің ұстазым еңбекқор, білімге бейім жан еді. Мен
ұстазыма қарап, сабақ оқуға деген шабыт алатынмын. Менің ең алғашқы
ұстазым - Жасыбаева Айгерім апай болатын. Айгерім апайға алғысым шексіз!
Өте керемет жан. Ақылды, қарапайым,мейірімді, әділетті, шыдамды,
балажан еді. Ұстаздан шәкірт озар демекші кезінде біз апайдың үйреткенін
тез қағып алып, апаймен жарыса есеп шығарып, оқу оқитын едік. Айгерім
апай бізді басқа сыныптарға қарағанды озат оқушы етіп тәрбиеледі. Ең үздік
сынып болатынбыз. Әрине бұның артында қаншама еңбек жатыр. Апайымыз
бізге ұрысатын кезде ұрысып, мақтайтын кезде мақтап отыратын. Біз
жыласақ бізбен бірге жылайтын. Бізбен бірге күліп, әзілдесіп, әңгімесін
бөлісетін. Мектепте барлығын бірге көрдік. Алғашқы ұстазым әлі күнге дейін
есімнен кеткен емес. Алғашқы ұстаз деп айтқан сәттен ақ алдыма
ұстазымның жылы жүзі, жұмсақ, хош иісті қолымен арқамнан қағып,
басымнан сипағаны көз алдыма елестейді. Керемет сезім иә? Ұстазымның
бізде сіңірген еңбегі мен пәк махаббаты өлшеусіз. Мен барша ұстаздарға
құрметпен қарап, еңбектерін бағалаймын. Сіздерге басымды иіп тұрып
алғысымды білдіремін! Ұстаздар үлкен сый-құрметке лайық деп нық
сеніммен айта аламын. Жұмыстарыңыз алға басып, табысты болыңыздар.
Сіздерге зор денсаулық, қажымас қайрат тілеймін!
Ал менің ең алғашқы ұстазым жадымда мәңгіге сақталады. Ұстазыма
өмірдегі бар жақсылықты тілеймін. Деніңіз сау болып, денсаулығыңыз мықты
болсын. Өмірімде осындай ұстаздың кездескеніне қуаныштымын.