Менің болашақ мамандығым

“Мамандықтың бәрі жақсы, қалауыңша таңдап ал” –дегендей, шынында бұл әлемде 40 мыңға жуық әр түрлі мамандықтар бар екен. Осы көп салалы мамандықтар арасынан таңдау жасау әрине оңай емес. Әр мамандықтың өзіндік ерекшелігі бар. Дәрігер адамдарды емдесе, мұғалім оларды оқытады, әнші ән айтады, құрылысшы үй салса, тігінші киім тігеді. Ең бастысы – адам еңбекке қабілетті, зейінді болуы қажет және оның мамандығы өскен ортаға маңызды, бағалы үлес қоса алатындай болуы шарт деп есептеймін. Менің арманым мұғалім болу. Мұғалім – өте керемет мамандық. Себебі, мұғалім балаларға білім береді, алғаш қолына қалам ұстатып, әріп үйретеді. Ғалым да, шахтер да бас иетін, Ұстазым, бар сенің қасиетінің. Білім берген, ой берген, ақыл берген, Көз алдымнан кетпейді асыл бейнең... Иә ғылым иесі ғалымда, ел қорғаған батыр да, егін еккен дихан да, мал бағып терін төккен шопан да бәрі-бәрі ұстаздан тәлім алған. Қиындығы мен қызығы мол осы мамандықты кішкентай кезімнен армандадым. Мұғалім мамандығы оңай жұмыс емес. Ол үлкен жауапкершілікті талап етеді. Алайда бұл әлемдегі ең қажет мамандықтардың бірі.