Менің мектебім—менің мақтанышым!

Мектеп—барлық рухани өркениеттің ошағы, білім ордасы.«Мектеп-кеме, білім-теңіз» демекші, сол кемемен теңізді жүзіп өту жолында дауылды да, жаймашуақ күндеріміз де болды. Білім нәрімен сусындайтын ілім ордасында тарыдай болып кіріп, таудай болып, “өмір” атты ағысы қатты терең өмірге қадам басудамыз.

Мен қазіргі таңда елге еңбегі сіңген мемлекет қайраткерінің құрметіне берілген «С. Адамбеков» атындағы жалпы білім беретін мектепте оқимын. Бүгінде мектебімізге 51 жыл толып отыр. Шығыс ғұламасы «Ғалым болу оңай, адам болу қиын» дегендей мектебіміз нағыз патриоттар мен елге қызмет ететін Н.Ә. Назарбаев айтпақшы «саналы ұрпақ» тәрбиелеп отыр деп нық сеніммен айта аламын! Оған дәлел кешегі өткен сайыста өзге мектептің мұғалімдері осы мектеп әрдайым “1-орынды бермейді, орынсыз қайтпайды” десті, мұның өзі үлкен жетістік десем артық айтпаймын.Еліміздің көркейіп, гүлденуі және өркениетті елдер қатарына қосылуы бүгінгі ұрпақ бейнесінен көрініс табады. Ертеңгі күннің бүгіннен де нұрлы да жарқын болуы тек Абай айтпақшы “білімге”тән. “Мұғалім—мектептің жүрегі” дегендей, шәкірттерін білім нәріиен сусындатып, Елбасы өз жолдауында айтып кеткендей бәсекеге қабілетті маман даярлау жолында аянбай тер төгіп келе жатқан С. Адамбеков мектебіндегі ұжымның мұғалімдеріне алғысымды білдіргім келеді!

Кезінде Ыбырай, маса болып қара халықты оятқысы келген,Ахмет “Қалың елім,қазағым, қайран жұртым”деп күйінген Абай аталарымыз қазіргі Қазақстанды көрсе деймін… Әрине, қазіргі жетістіктеріміздің барлығы солардың еңбегінің арқасы. Сондықтан да, мен өз мектебімді мақтан етемін! Мектеп—алтын қазына. Мектеп—болашаққа бастайтын алтын көпір, сол көпірмен жүріп өту арқылы екінші Абай мен Ахмет, Ыбырайдай ғұлама, асыл, ақын-жазушыларымыз көп болсын!