Менің өмірімді өзгерткен Құлагер

«Жануарларды қорғау –менің міндетім» -әңгіме байқауы

Тақырыбы: Менің өмірімді өзгерткен Құлагер

Есімім Медина, 10 жастамын. Әкем жылқышы ал мен үнемі әкемнің қасында жүргендіктен жылқы малын жақсы көремін. Менің өмірімде ерекше орын алатын құлын бар. Оның есімі — Құлагер. Ол кішкентай жануар менің бала кезімде мені толығымен өзгертті. Құлагер тек менің досым емес, сонымен қатар менің өмірімнің бір бөлігіне айналды.

Құлагер менімен алғаш рет танысқанда, ол әлі де өте кішкентай болатын. Ол төрт айынан енесінен айырылып, жетім қалды. Оның жүні жұмсақ, денесі нәзік, әрі көздері оттай жанып тұратын, бірақ қаншалықты көздері жанып тұрса да, мен оның көздерінен ішкі дүниесінің мұңын көріп тұрамын және оны мен ғана түсінемін. Сондықтан, Құлагер мені әрдайым қуанышпен қарсы алады . Ол көрген сәтте үйірден бөлініп шауып келіп мені иіскелеп менің әр қадамымды аңдиды, қолымдағы шақпа қантты аузына салып алады да ойнауға асығады. Құлагерімнің тағы бір қасиетің байқадым, менің көңіл-күйімді ішкі күйзелісімді сезеді екен. Көңілім болмаған кезде, Құлагер мені жұбатуға тырысады, ол жақындап, менің қолымнан тістеп назарымды өзіне аударады. Бұл мен үшін өте маңызды.

Құлагер өте ақылды және ойынқұмар. Ол әрдайым менің жаныма жақындап, бірге шабандоздық жасаймыз, ал ол мені ешқашан жалғыз қалдырмайды. Оның ерекше мінез-құлқы мені таң қалдыратын. Мысалы, Құлагер кішкентай допты көргенде, оны қуып, әкеліп беруге асығатын. Бұл менің көңіл-күйімді көтеріп, күндерімді жарқын етіп, өміріме қуаныш сыйлайтын.

Құлагер жайлы айтқанда, оның ерекше қызықты сәттерін атап өткім келеді. Бірде, біз өзеннің жанында серуендеп жүргенде, ол суға қарай жүгіріп, балықтарды қуып кетті. Бұл сәт мені қатты күлдірді. Өйткені, су өз бетіне шашыраған кезде сол шудан шошып, одан бетер суға секіреді, ол күлкілі көрінгені сонша, мен жылай жаздадым.

Сондай-ақ, Құлагер өзінің жаттығуларына ерекше көңіл бөледі. Ол әрдайым менің дауысымды тыңдап, командама бағынатын. Бұл менің жетекшілік қабілеттерімді дамытуға көмектесті. Мен оған команда беріп, одан мықты ат шығару үшін жұмыс істедім. Құлагер менің тәрбиеме үлкен үлес қосты, сол қасиетімен біз бір-бірімізге жақындай түстік.

Құлагер менің өмірімдегі ең бағалы орны ерекше серігім болды. Оның балаға деген махаббаты, көңілді мінез-құлқы және менімен болған ерекше байланысы мені әрдайым жігерлендіреді. Құлагер менің балалық шағымнан, менің армандарымды және менің тұлғалық дамуымды қалыптастыруға үлкен әсер етті. Онымен өткізген әрбір сәт мен үшін мәңгілік естелік. Құлагер — менің жүрегімдегі мәңгілік құлын.