Менің отбасым

Қарағанды облысы Бұқаржырау ауданы

«Үштөбе жалпы орта білім беру тірек мектебі» (РО) КММ нің

Ағылшын тілі мұғалімі Бимурзина Гаухар Сайлаубековна

« Ағылшын тілі» кіріктірілген сабақ

Сабақтың тақырыбы: «Менің отбасым» «My family»

Сабақтың мақсаты: Әр баланы отбасы, жақын адамдары туралы әңгімелете отырып,отбасы жарастығы татулығы туралы түсінік қалыптастыру .Өзара сыйластыққа тәрбиелеу.

Сабақтың көрнекілігі: түсті слайдар,ойындар, түсті қағаздар,түсті бояу қарандаштар.

Сабақтың барысы: 1. Ұйымдастыру кезеңі (оқушылардың назарын сабаққа аудару, екі тілде амандасу

2. Шаттық шеңбері: оқушылар бір –бірінің қолдарынан ұстап шеңбер бойына тұрып сәлемдесіп,бір-бірлеріне жақсы тілектерін айтады.

3.Тыныштық сәті: оқушылар толық тыныштықта болып өз ойларын жинақтап ,өз «менін» сезінеді.

Әңгімелесу: сұрақ – жауап (слайд№1)

1.Балалар, білесіздер ме отбасы деген не?

2. Отбасы бақыты дегенді қалай түсінесіңдер? Ол кімдерге байланысты?

Отбасыңда қадір тұтатын қандай дәстүрлер бар?

3.Өз отбасың үшін алаңдайсың ба?

Шығармашылық жұмыс:

Оқушылар өз отбасы туралы шағын әңгіме жазады.

(Ағылшын тілінде ) 2 -3 оқушы отбасы туралы мақал -мәтел айтады,2 оқушы ана,әке,әже туралы өлең жолдарын жазып оқиды.

Саханалау: «Менің отбасым» шағын көрініс (ағылшын тілінде)

“My family”

Кел ойнайық:

Ойындар ойнау (слайд№2) 1. Ағылшын тілінде оқиды қазақ тілінде аударып суреттерді бояйды.

2. Ағылшын тілінде сандарды орын орына орналастыру

3. Оқушылар ағылшын тілінде оқып суреттегі қуыршақтың бейнесін дұрыс орналастыру қажет

«Ойнайықта күлейік»

(слайд №3) балалар, егер сіздер келіссеңіздер қол соғып «ия» дейсіздер, егер келіспесеңіздер аяқтарыңды топырлатып «жоқ» дейсіздер.

• Көңіл күйлеріңіз жақсы ма?

• Сіздер саяхатқа шығасыздар ма?

• Онда сусын апарасыздар ма?

• Оқулықтар апарасыздар ма?

• Бір –бірлеріңізді ренжітесіздер ме?

• Ата –аналарыңды жақсы көресіздер ме?

Шығармашылық жұмыс:

« Мен сыйлаймын» оқушылар түсті бояу қарандаштар мен түсті қағаздардың көмегімен ата-аналарына сыйлық жасайды

. «Алақай ертегі көреміз!» (слайд №4) оқушылар ертегі көріп оны талқыға салу

Сабақты бекіту: сұрақ- жауап

Бүгінгі сабақтан не үйрендіңдер? Не ұнады? Не ұнамады?

Жүректен жүрекке:

Оқушылар барлығы бірігіп «Анашым» әнінің бір шумағын және «Әке жыры» әнінің бір шумағын айтып сабақты аяқтайды.