Туберкулез ауруына қарсы санаторлық түрдегі «Нұр» балабақшасының тәрбиешісі: Бимашева Гулбакыт Берикбаевна

Білім саласы: Қатынас
Бөлімі : Сөйлеуді дамыту.
Тақырыбы: Менің отбасым
Мақсаты: Отбасы туралы түсінік беру, Әр балаға өз отбасын қадірлеуге, сыйлауға үйрету.
Есте сақтау, көру, ойлау, сөйлеу, танымдық процестерін, қиялын, қызығушылығын дамыту, зейінін шоғырландыру.
Үлкендерді құрметтеуге, сыйлауға, адамгершілікке тәрбиелеу.
Методикалық әдіс - тәсілдері: Түсіндіру, көрсету, сұрақ жауап, әңгімелеу, суретпен жұмыс, Луллий шеңбері, жапсырма әдісі, дәстүрлі емес сурет салу әдісі.
Көрнекілігі: Отбасы суреті, үй, дидактикалық материалдар.

Билингвальді компонент: Менің отбасым – моя семья

Шаттық шеңбері:
Көтеріліп шаңырақ,
Уықтары шаншылар.
Керегелер керіліп,
Өрімдей боп өрілер.
Бәріміз жүрсек айналып,
Киіз үй болып көрінер.

Балалар, айналамызға қарасақ, көптеген үйлерді көреміз.
Ол үйлерде кімдер тұрады деп ойлайсыңдар?
- Иә, балалар, барлық үйдің отбасы болады олар бір бірімен тату тәтті тұрады.

Үнтаспадан « жарығым», ботам, құлыным, күнім, деген сияқты жылы сөздер тыңдатылады.

-Балалар , қалай ойлайсыңдар, осындай жылы сөздерді сендерге кімдер айтады?

-Иә, балалар сендерге жылы сөздерді аталарың, аналарың, әке, әжелерің айтады екен.

-Ал , осы адамдарды бір сөзбен кімдер деп айтамыз?

-Онда бүгінгі оқу іс-әрекетімізде біз кімдер туралы әңгіме қозғайды екенбіз?

Суретпен қарап әңгіме құрастыр:

Бір бала шығып тақтадағы суретке қарап әңгіме құрастырады.

Дидактикалық ойын: «Күн мен бұлт»

Шарты: сендердің араларында бұлт жатыр. Мен сендерге әр түрлі жағдаятты айтамын. Олар әр отбасында болатын жағдай: егер бұл жағдай әр отбасына бақыт сыйласа күнді көрсетіңдер, егер жаман қылық көңіл қалдыратын болса бұлтты көрсетесіңдер

- Сендер аналарына көмекетесесіңдерме?

- Серуенде күртешелеріңді былғайсыңдарма?

- Ойыншықты жинайсыңдарма?

- Достарыңды реңжітесіңдерме?

- Әжелеріне қамқор боласыңдарма?

- Аталарыңды туған күніңмен құттықтайсыңдарма?

Лулий шеңбері «Қай зат кімдікі»

Шарты: Берілген отбасы мүшелерінің суреттерінің тұстарына балалар өзіне тиесілі заттарын алып жанына қояды.

Мақсаты: ойын арқылы отбасы мүшелерін ажырата білуге, кімге қай іс-әрекет тиесілі екенін табуға, балалардың есте сақтау қабілетін, зейінін, ойлау қабілетін дамыту.

Ойын: «Отбасы мүшелерін дастархан басына жайғастыр»

Шарты:Отбасы мүшелерін әдеп бойынша, жапсырма әдісі арқылы дастархан басына жайғастырулары керек.

Ойын: «Отбасылық ошақ»

Әр бала киіз үйдің бөліктерін тақтаға жабыстыра отырып, өз отбасы жайлы айтып кетеді.

Менің отбасым- тату.

Менің отбасым- еңбекқор.

Менің отбасым- иманды.

Менің отбасым- бақытты.

Менің отбасым- өнерлі.

Отбасы - ол ең жақын адамдардың ошағы. Әрқашан отбасы мүшелерін сыйлап, құрметтеу керек екені айтылады.
Ортаға келіп тұрайық,
Шеңберді біз құрайық.
Көріскенше күн жақсы,
Сау - саламат болайық!

Күтілген нәтиже:

отбасы мүшелерінің туысқандық қарым-қатынасын түсініп, бір-біріне қамқор болу керектігін біледі;

отбасы мүшелерінің арасындағы әдептілік дағдыларын және өзіндік тиесілі міндеттерін игереді;

отбасындағы адамгершілік, әдептілік нормаларын сақтай білуді меңгереді.