Кіріктірілген ҰІӘ: «Менің сүйікті ойыншығым»

Жас тобы: Мектепке дейінгі білім беру, ортаңғы топ (3 жас)

ҰІӘ міндеттері:

1. Балаларды әртүрлі ойыншықтармен таныстыру.

2. Ауызша сөйлеу және заттарды сипаттау дағдыларын дамыту.

3. Балалардың шығармашылық өзін-өзі білдіруіне ықпал ету.

Қажетті материалдар:Түрлі ойыншықтар (мүмкіндік болса, балалар өз ойыншықтарын әкелсін немесе суреттерді пайдалану) Қағаз және түрлі-түсті қарындаштар, бояулар, ермексаз, түрлі түсті қағаздар, желім.

Стикерлер немесе жапсырмалар (марапаттау үшін)

ҰІӘ барысы :

Кіріспе

1. Балаларды қарсы алып, жылы атмосфера орнату.

2. «Бір сөзбен ата» ойыны. Осы ойын арқылы тақырыпты ашу.

3. Балалардан өздерінің ойыншықтары туралы айтып берулерін сұрау. Сұрақтар қою:

- Сенің сүйікті ойыншығың қандай?

- Неге ол саған ұнайды?

Негізгі бөлім

1. Ойыншықтарды талқылау

Күтілмеген сәт:

Тентек келеді, қолында бір қолы жұлынған қуыршақ. Балармен амандаспайды, келе сала тұрған ойыншықтарды шаша бастайды.

Тәрбиеші:

-Балалар, бұл кім?

Балалар:

-Бұл Тентек

Тәрбиеші:

-Тентек, сен неге бәрін шашып жатсың? Балалар, бұл іс-әрекет дұрыс па?

Балалар:

-Жооқ. Олай істеуге болмайды.

Тәрбиеші:

-Тентек, қолыңдағы қуыршақтың қолы қайда?

Тентек:

-Білмеймін, түсіп қалған шығар, бұл маған қажет емес(лақтырып жібереді).

Балаларда жаңа ойыншықтар көп екен, соны аламын.

Тәрбиеші: Жоқ, біздің балалар ойыншықтарын бермейді, сен сындырасың.

(Тентек айғайлап жылай бастайды).

Тәрбиеші: Егер сен тәртіпті болсаң, бүлдірмесең саған балалар ойыншық сыйлайды, бірақ сен де балалармен бірге тәртіп сақта, қуыршақтың қолын тауып алайық. Балалар, біз Тентек қуыршақтың қолын табуға көмектесейік, оған олай сындыруға болмайтынын түсіндіріп, ойыншықтар сыйлаймыз ба?

Балалар: Жарайды!

1-тапсырма: Шалшықтан аттап, арқан үстімен жүріп алаңқайға шығу, қасқыр болып ырылдау, қоян болып секіру, құстар болып шиқылдау. ол жерден қуыршақтың қолын іздеу.

Қуыршақтың қолын іздеп жүріп, алаңқайдағы гүлдердің арасынан тапсырма тауып алады.

2-тапсырма: Гүлдердің астынан шыққан геометриялық пішіндердіен үй, машина құрастыру.

3-тапсырма: Ертегі кейіпкерлерін тауып, ретімен қойып шығу.

Қуыршақтың қолын табады, қуыршақты құрастырады, Тентекке береді.Ол балаларға алғысын білдіреді, енді ойыншықтарға ұқыпты қарауға уәде береді.

- Балаларға әртүрлі ойыншықтарды немесе олардың суреттерін көрсету.

- Ойыншығың қандай түсті?

-Қандай пішінді?

- Ол не істей алады?

2. Шығармашылық тапсырма (Бастыру әдісі арқылы)

Балаларға қалаулары бойынша өздерінің сүйікті ойыншықтарының суретін салуды, жапсыруды, мүсіндеуді ұсыну.

Олар өздерінің сүйікті түстерін пайдаланып, ойыншықтарын бейнелейді.

- Тaпсырманы орындап болған соң балаларды өз жұмыстарын топқа көрсетіп, қысқаша айтып беріп, көрмеге апарып қоюды ұсыну.

Қорытынды

1. ҰІӘ қорытындысын шығарыңыз: балалар қандай ойыншықтарды салды және олар бір-біріне не туралы әңгімеледі.

2. Балалардан ҰІӘте не үйренгендерін сұрау.

3. Балалардың белсенділігі мен шығармашылығын мадақтау үшін стикерлер немесе жапсырмалар тарату. Тентек балалармен қоштасады.

Рефлексия

ҰІӘ соңында талқылау үшін сұрақтар:

- Бүгінгі ҰІӘтің ең қызықты бөлігі қандай болды?

- Қай ойыншық сенің есіңде ерекше қалды және неге?

Тәрбиешіге арналған ұсыныс:

- Барлық балалардың белсенді қатысуын қадағалап, оларды өз ойларымен бөлісуге ынталандырыңыз.

- Балалардың дамуы мен қызығушылықтарын ескере отырып, тапсырмаларды деңгейге бөліп дайындаңыз.