"Менің сүйікті ұстазым"

Қызылорда облысы, Қармақшы ауданы, О.Шораяқұлы атындағы №30 орта мектеп,

9 сынып оқушысы Бекеева Анель

Эссе

Менің сүйікті ұстазым

Шәкірттің жүрегінде мәңгілік із қалдырған ұстаз бейнесі қандай мейірбан,қандай сұлу десеңші?! Сол періштелердің бірі менің бала жүрегімде нық орын алған. Ол қазақ тілі мен әдебиет пәнінің мұғалімі Ақылбекова Кентай апай. Апайдың жүрегі кең әрі өте мейірімді. Үнемі бізге білім беру мен қатар ақылы мен тәрбиесінде бойымызға сіңіртіп отырады. Сыныбымда 25 оқушы бар. Әр оқушының мінезі әр түрлі, соған қарамастан Кентай апай біздің көңілімізді тауып, сырлас досындай ақылын айтып жүруге тырысады. Апай өзінің сыңғырлаған үнімен әр шығарманы оқи отырып, санамызға асыл ойды нық етіп құюға бар күшін жұмылдыратын жан.

Ұстаз бейнесі мен үшін – адамгершіліктің ең жоғарғы үлгісі. Ұстаз біздің жүрегімізге нұр сеуіп, білім нәрімен сусындатушы. Ұстаз өзінің бүкіл өмірін бала тәрбиесіне арнаған жан. Мен үшін Кентай апай қамқор, мейірімді, ізгі ниетті, жарқын жүзді жан ретінде менің жүрегімде мәңгі қалады. Ұстаз деген шуағын бүкіл әлемге тарататын күн секілді. Білімнің сара жолында үлкен жетістіктерге жеткен және ақылдылығы мен даналығын бізге сарп еткен ұлы ұстаз.

Ұстаз болу – жүректің батырлығы,

Ұстаз болу – сезімнің ақындығы.

Азбайтұғын адамның алтындығы.

демекші ұстаз – ұлағатты есім. Шәкірттерін білім нәрімен сусындатып, тәлім – тәрбие беру, жақсы қасиеттерді бойына дарытып, адамгершілік рухта бағыт – бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Ұстаздар жайында халқымыздың ұлы батыры Бауыржан Момышұлы « Ұстаздық - ұлы құрмет». Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді деген екен. Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да солай ардақтауға міндеттіміз. Бала бойында ата – анадан кейінгі ақыл – ой, адамгершілік, әдептілік, ар – ұят, ұлттық сана – сезімді сіңіруші – мұғалім. Ендеше өз ісіне берілген, жаңалықты жатсынбай қабылдайтын, шәкіртінің жанына нұр құйып, өмірге өзі де бақытты болып, өзгелерді де бақытқа жеткізсем деп жүретін ұстаздардың жөні де, жолы да бөлек.Ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де бір адамға қарыздар.Ол әрине – Ұстаз. Ұстаз ұлағатты есім.