"Менің тәрбиелеу-философиям"

Эссе

Менің тәрбиелеу философиям

Мен үшін тәрбие-адамның рухани және адамгершілік тұрғыда дамуына бағытталған өмірлік жол.Әр адам балалық шақтан бастап қоршаған ортамен,отбасымен,мектеппен және қоғаммен тығыз байланыста қалыптасады.Осы жолда тәрбиеші мен мұғалімнің орны ерекше.Тәрбие-жәй ғана ережелер мен талаптар жиынтығы емес,ол жүректен жүрекке жететін нәзік үдеріс.

Менің тәрбиелеу философиямның негізгі өзегі-әрбір баланың тұлғалық даралығын сақтау және дамыту.Дарынсыз,қабілетсіз бала болмайды.Тәрбиешінің басты міндеттерінің бірі бала бойындағы қабілеттерді уақытында байқап,сол бағыт бойынша бағыттап,өзін -өзі тануға көмектесу.Мен тәрбиеде сенім мен қолдауға негізделген жылы қарым қатынас орнатуға тырысамын,өйткені бала тек өзін түсінетін, сыйлайтын ортада ғана ашыла алады.

Тәрбиенің басты мақсаты-баланы тек тәртіпке үйрету емес,оны өмірдің мағынасын түсінуге,жақсылық пен жамандықты ажырата білуге,адамгершілікті жоғары қоюға баулу.Менің көзқарасымда "баланы тәрбиелеме,өзіңді тәрбиеле" ұғымын қатар алып жүремін.Оқушы мұғалімнің мінезінен,жүріс-тұрысынан,сөйлеген сөзінен көп нәрсе үйренеді.Тәрбие барысында сүйіспеншілік,әділдік және мейрімділік болуы тиіс.Сондықтан мен әрқашан балалар алдында өз әрекетіме жауапкершілікпен қарауға,үлгі болуға тырысамын.

Бәрімізге белгілі тәрбие тек мектеп қабырғасымен шектелмейді.Ол отбасымен,қоғаммен және қошаған ортамен байланысты тұтас жүйе ретінде қалыптасады.Бала бойында отансүйгіштік,еңбексүйгіштік,ізгілік және жауапкершілік қасиеттерін қалыптастыру-ұстаздың ең биік міндеті.Тәрбие барысында халақтың салт-дәстүрлері мен ұлттық құндылықтарын енгізуде ерекше рөл атқарады,өйткені ұлттың рухы-тәрбиенің тірегі.

Менің тәрбиелеу филосифиямның түйіні-баланың жүрегіне мейірім ұялату.Әр балаға сенім артып,оның бойындағы жақсылықты көре білу-тәрбиешінің ең үлкен жетістігі.Егер бала өмірде өз орнын таба білсе,айналасына жақсылық сыйлай алса,тәрбиеші үшін ең үлкен жетістік.

Қорыта айтқанда мен үшін тәрбие-тек білім беру ісінің бір бөлігі емес,ол өмірдің-мәні.Тәрбие арқылы біз адамды қалыптастырамыз,ол адам арқылы қоғам өзгереді.Сондықтан мен әр оқушының жүрегіне ізгілік нұрын сеуіп,рухани бай,парасатты тұлға тәрбиелеуді өз өмірлік ұстанымым деп білемін.

Орындаған: А.С.Жумагалиева