Менің тілім: кеше, бүгін, ертең

Менің тілім: кеше, бүгін, ертең

Тіл -ұлттың жаны, рухы,-бейнесі. Менің тілім -қазақ тілі, менің ана тілім. Қандай адам болмасын өз ана тілін құрметтеуге тырысады. Тілсіз ел жоқ. Әр адамның санасында ұлттық намыс пен тілі тұруы керек. Ана тілінің кешегісі мен бүгінін салыстырып көрсек, айырмашылығы бары шын. Кешегі ана тілі астарлы, құнды сөздерге толы. Тіпті біз біле бермейтін ескі сөздер де бізге таңсық естіледі. Ал бүгініне келсек, шет тілінен алынған сөздер көптеп кездеседі. Қазіргі қоғамда қазақ жерінде қазақ тілін, ана тілін, ұмытып жатқандар кездеседі. Ондай адамдар жетерлік. Ана тілді қадірлеу, оны жоғалтып алмау-өз қолымызда.

“ Егер қазірден ана тілін ұмытсақ ертеңіміз не болады?”,-деп ой әр адамды мазалайтын шығар. «Тәрбие басы- тіл», дегендей өсіп келе жатқан әр қазақ ұл-қыздарына өз тілін қастерлеп,қадірлеуді ерте бастан санасына сіңіре бергені дұрыс. Бұл орайда ата-анасы мен мұғалімдер ғана емес, бүкіл қоғам болып жұмыла атсалысуы керек деп ойлаймын. Қазақ тілінің ертеңгі тарихы кімге де болса белгісіз демей, жарқын болатынына сенемін. Тіліміздің ертеңі жақсы болуы үшін осы қағидаларды ұстанған жөн. Ертеңіміз-өз қолымызда. Ұлт үшін тілдің маңызы зор.

Өткенге көз жүгіртсек, А. Байтұрсынұлы «сөзі жоғалған жұрттың өзі де жоғалады» деп тілдің ұлт үшін қандай маңызды екенін бір-ақ ауыз сөзге сыйдырған. Тіл-қазақ жұртының тірегі, намысы, ерік жігері. Тіл ұлттың құнды

қымбат байлығы, тілді жоғалту ұлтты жоғалтқанмен тең. Тіліміздің құндылығын жоғалтып алмайық.Сіз қандай ұлт өкілі болсаңыз да тіл үшін күресуге міндеттісіз. Өз тіліңді құрметтеп қана қоймай өзге тілді де құрметтеген жөн. Тіл қарым-қатынас құралы. Сол құралды жақсы жағынан пайдалана білсек, соның өзі құлдыраудан сақтайды. Тарих пен тіл егіз ұғым.Себебі:сіздің тіліңізде жазылған құнды тарихи деректер,кейінгі ұрпақ үшін үлкен рөл ойнауы мүмкін. «Тіл-көңілдің бұлағы, ой қоңырауы».Бабалар өсиет еткен қасиетті қазақ тілінің құдіреті зор. Қазақ тілі саналы жан сүйсіне жаттайтын сөз жәннаты. Тілсіз тірліктің тасы өрге домалайды десеңіз қателесесіз. Өз тіліңді сүйе біл, өз тіліңе қорған бол.

Түркістан облысы Сауран ауданы Амангелді ЖББМ 11-сынып

оқушысы Пернешбай Жасмина