Менің туған өлкем

Дайындаған: Карибаева Б.Т.

Білім беру бөлімі:Таным

Білім бөлімі: Жаратылыстану

Тақырыбы: Менің туған өлкем

Сабақтың мақсаты:

Балаларға «Отан», «туған жер», «менің қалам» сөздерінің құндылықтарын түсіндіру.Туған жерін, елін сүюге, қадірлей білуге тәрбиелеу.Балалардың бойында патриоттық сезімдерді арттыру.

Әдіс-тәсілдері:

Түсіндіру,әңгімелесу,сұрақ – жауап, Павлодар қаласы туралы суреттер;

Көрнекі құралдар: Павлодар қаласының суреттері.

Тәрбиеші:

Балалар, мен сендерді көргеніме қуаныштымын.Келіңдер мен сендерді шаттық шеңберіне шақырамын.

Шаттық шеңбері.

Қуан, шаттан, алақай!

Қуанатын күн келді.

Күліп шықты күн бүгін,

Қайырлы таң!

Қайырлы күн!

Армысыңдар, достарым!

Тәрбиеші:

-Жарайсыңдар, балалар.Енді орнымызға жайғасамыз.(балалар көрпешелеріне жайғасып отырады).

-Балалар, бүгін біз туған еліміз, қаламыз туралы әңгімелесетін боламыз.

Біз қай мемлекетте тұрамыз?

Балалар:

-Қазақстан Республикасы.

Тәрбиеші:

-Біздің Астанамыз қай қала?

Балалар:

-Астана.

Тәрбиеші:

-Біздің қаламыз қалай аталады балалар?

Балалар:

Павлодар қаласы.

Тәрбиеші:

Иә, дұрыс айтасыңдар.Біздің қаламыз Павлодар қаласы. Павлодар қаласы жас, байлығы мол, әсем қала.Біздің қаламызда көптеген демалыс орындары мен ойын-сауық алаңдары бар.Біз демалыс күндері ата-аналарымызбен сол жерлерде демаламыз.

Тәрбиеші:

Туған жеріміздің табиғатын көз алдымызға елестетейікші.

(Үнтаспадан табиғат құбылыстарының дыбыстары бар әуен жай ойналады).

Тәрбиеші:

-Қаламыздың табиғаты қандай тамаша!Айналамыз жап-жасыл, тамаша гүлдердің хош иісі аңқиды.Туған жердің әрбір гүлі, әр ағашы, қасиетті топырағы көзіңе оттай ыстық.Қаламыздың таза ауасымен дем алып, көңіліміз көтеріліп,жайланып қалды.Енді, туған жерімізге қандай жақсылық жасай алатынымызды ойлап, көз алдымызға елестетіп көрейік.Ал,енді көзімізді ашып, өз ойларымызбен бөлісейік.

(Балалар алған әсерлерін, ойлаған ойларын ортаға салады.)

Әңгімелесу.

Тәрбиеші:

-Балалар сендер туған жер деген сөзді қалай түсінесіңдер?

Балалар:

-Біздің тұратын жеріміз.

Тәрбиеші:

-Неге туған жер деп айтамыз?

Балалар:

-Өйткені біз сол жерде туып өстік.

Тәрбиеші:

-Дұрыс айтасыңдар, балалар туған жерді, қаламызды көркейтуіміз, оған қамқорлық жасауға өз үлесімізді қосуымыз туған жерге деген сүйіспеншілігімізді білдіреді.Әр адамға өзінің туып өскен жері ыстық болады.Сондықтан әркім өзінің туған жеріне деген махабатын,сүйіспеншілігін, мақтанышын түрлі жолдармен білдіреді.Мысалы: Ақын-жазушылар туған жердің сұлу табиғатын,байлығын өлеңімен жырласа, суретшілер суретін салады.Бізде дәптерлерімізге қаламыздың көрікті жерлерінің суреттерін салып , өзіміздің ықыластарымызды білдірейік.

Тәрбиеші:

-Балалар, біз бүгін туған жеріміз, қаламыз жайында әңгімелестік.Біз бүгін туған жерімізді, қаламызды қадірлеу керектігін түсіндік.