«Құтты болсын, Жаңа жыл!»

Музыка ойнап тұрады. Балалар залға кіреді.

Құрметті ата-аналар, ұстаздар және қонақтар!

Бүгінгі жаңа жыл мерекемізге қош келдіңіздер! Жаңа жылды тойлау үшін осы әсем шырша түбіне барлығымыз жиналып отырмыз.

Жаңа жылдың таңы неткен арайлы

Ақ мамыққа бөлеп алды маңайды

Жаңа жылмен құттықтаймын деген үн

Әр қанаттан кең алқапқа жарайды

Балалар! Қараңдаршы, шыршамыз қандай әсем!

Ойыншықтарымыз қандай әдемі!

Жүргізуші: Балалар Сендер бүгін, сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де жетіпті. Ал, балалар осы әсем шыршаның жанына бүгін қандай мерекені тойлау үшін жиналып отырмыз.
Балалар: Жаңа жыл!
Жүргізуші: Ия балалар, бүгін біз Жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық.

Ән: «Жана жыл» хоровод

Жүргізуші: Жарайсындар, қандай жақсы өнерлерін (шыршаның жанына жақындап келіп) бәрекелді, қараңдар балалар, шыршаның астыңда бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік.

(көңілді муз. Ойнайды, қорапты ашады, оның ішінен Клоун атып шығады.)

Клоун: Амансыңдар ма, балалар! Иә, бұл менмің. Мені қамаудан алып шыққандарың қандай жақсы болды! Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жылды қарсы алайыншы, сендермен бірге қызықты ойынды ойнайыншы!

Ойын: қар жинау

Жүргізуші: Жарайсыңдар балалар Сайкымазақпен бір қызық ойын ойнап алдық.

Балалар, бізде шыршамыз бар, әдемі киінген балаларымыз бар, ата - аналарымыз, көрермендеріміз де бар екен, енді, біздің жаңа жылдық мерекемізге кім жетпейді?

Балалар: Аязата, Ақшақар.

Жүргізуші: кәне, онда Аязатаны шақырайық. Бар дауыспен айқайлайық.

Балалар: Аязата, Ақшақар Аязата Ақшақар (деп 2 рет айтқанда, есік ашылады да,

Мыстан кемпір кіріп келеді.)

Мыстан: Ойбай түрлерін қара! Неге тамақтарынды ауырып айқайлап жатырсыңдар?!

Жүргізуші: Ал, сен неге амандаспайсын? Әдепті адам алдымен амандасып алады дегенді білмейсің бе?

Мыстан:Білсем бұйырмасын!

Жүргізуші: Мұны тіпті мына бүлдіршіндеріміз біледі. Ал, саған тіпті ұят. Саған ешкім үйреткен жоқ па?

Мыстан:Жоқ.

Жүргізуші: Мыстан кемпір сен өзі қайдан шықтың? Біз Аяз атаны шақырып едік қой?!

Мыстан: Ал, мені мерекеге неге шақырмайсындар? Аязата сендерге бәрібір келмейді, мен оны бір жерге апарып қамап қойдым ха - ха - ха (деп секіреді)

Кілті міне ха-ха мен оны сендерге бермеймін.

Жүргізуші: Мыстан кемпір сен неге олай еттің? Балалар Аяз ата Ақшақарсыз жаңа жылды қалай қарсы алады. Аязата, Ақшақарсыз қандай жаңа жыл болмақ?

Мыстан: Ә, бәлем, солай ма екен! Енді мен болам сендерге аяз-ата ха-ха-ха кәне өнерлерінді көрсете беріңдер. (Орындыққа отырып алады)

Жүргізуші: Жай дауыспен Ал кәне балалар мыстан кемпірді би билеп ән айтып ұйықтатып тастайық қалай болады сонда аяз-атаны құтқарамыз.

БИ: Үнді биі КПП қыздар.

Осы кезде Қоян ұйықтап жатқан Мыстан кемпірдің қолындағы кілтті алып жүгіріп кетеді.

Қоян: Балалар казір мен Аяз ата мен ақшақарды құтқарамын.

Осы кезде аяз ата келеді (музыка қосу)

Жүргізуші: Аязата, Ақшақар келе жатыр ғой деймін, шақырайық,

Балалар: Аязата, Ақшақар! Шақырады.

Осы кезде мыстан кемпір оянып кетеді.

Мыстан: Не болды, не болды мені шақырып жатырсындар ма? Ойбай кілтім қай кілтім қай да деп - келе жеткан аяз атаны көріп қашып кетеді.

Аязата:Амансыздар ма, аяулы аналар, ардақты ұл-қыздарым, бүлдіршін балаларым!

Қандай жарқын жүздерің,

Қандай әсем жырларың

Асаулармен алысқап,

Асау желмен жарысқан

Аталарың сендерге

Шаршап келді алыстан.

Жыл сайын сендердің жарқын жүздеріңді көріп, мен жасарып, бақыттан бал-бұл жанып тұрмын.

Ақшақар: - Сәлеметсіңдер ме, балалар.

Жаңа жылдарың құтты болсын!
Сүйсіңдірер маңайды
Ақшақармын арайлы
Жалт - жұлт еткен жүзімнен
Күміс сәуле тарайды.
Ақшақармын аппақпын
Қалай тыныш жатпақпын
Менсіз қыстың сәні жоқ
Әнмін, жырмын, тақпақпын.

Аяз-ата:Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық!

Қуант бізді, таңырқат шамдарыңды жарқырат! (3 рет айту керек)
Балалар: Қуант бізді, таңырқат шамдарыңды жарқырат.(қолдарын шапалақтатады) Шырша жарқырайды.
Жүргізуші: Енді балалар осы шыршаны айнала би билейік

БИ: Хоровод Кішкентай балапандар

Жүргізуші:

Аяз ата! Ақшақар

Алыс жолдан қош келдіңіздер!

Ендеше мерекеміздің

Ең төріне өтіңіздер

Аяз-ата: Ал, енді балалар өздерін өнерлерінді көрсетіндер мен бір демалып алайын.

Жүргізуші:

Жаңа жылда өнер сынар қайсың бар

Алға шығып өлең тақпақ айтыңдар

Жаңа жылда сыйлық алып қайтыңдар

Енді жаңа жылымызға арналған тақпақтарымызды айтайық

Тақпақтар: 5 бала КПП балалары

Айша, Мейірбек, Алтын, Даяна, Нурислам.

Жүргізуші: Жарайсыңдар! балалар

Би билейік бұралып,

Қыздар тұр сұранып,

Менде тұрмын құр қалып,

Шаттанайық қуанып.

Ендігі кезекті би берейік.

БИ: КПП Кішкентай жұлдыздар.

БИ: Мини-центр:

Тақтақтар: Мини-центр.

Дөңгеленіп тұрайық

Ойын сауық құрайық

Ән шашуы шашылсын

Жаңа жылға ылайық

Кәнекей балалар шыршаны Аяз атамен бәрге айналып ән саламыз

ӘН: Шырша Хоровод.

Жүгізуші:

Жаңа жыл келгенде

Қуанып қарсы аламыз

Аяз ата көргенде

Билейміз ән саламыз.

Ендігі кезекті ұлдарымыздың өнеріне берейік

БИ: КПП Ұлдар Аррива

Мини-центр

Аязата: Бәрекелді, бәрекелді

Тақпақтар: 5 бала КПП балалары

Адина, Амина, Ануар, Жанерке, Айша.

БИ: Қыздар Чунга-чанга

Би: Ұлдар Опа гангам стайл

Аязата: Бәрекелді, ал, енді балалар тақпақтарын айтып берсін.
Тақпақтар: Мини-центр:

БИ: Подарки. КПП қыздар

Жүргізуші: Ал енді балалар барлығынды ортаға биге шақырамын. Келіңдер келіңдер....

БИ: Флешмоб

Аяз ата: Ал енді тақпақ айтқан балаларға сыйлығымды берейін.

Аяз-ата: Сен сендерге алыстан әкелген сыйлығым бар. Кәне қайда........

(Аяз-ата отырып балаларға сыйлығын таратады.)

Жүргізуші: Құрметті ата-аналар қонақтар! Жаңа жылға арналған мерекеміз аяқталып қалды. Осындай керемет мерекенің өтуіне ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!!