Мезгіл үстеу

Қазақ тілі

Уақыты: 09.03.2017

Сынып: 4 «Б»

Мұғалім: Аманжолова Б.С

Сабақтың тақырыбы:

Мезгіл үстеу

Мақсаты

Мезгіл үстеу туралы түсініктерін қалыптастыру ; мезгіл үстеу мағынасы жағынан етістікке қатысты сөз табы екенін меңгертетін орта құру;

Сөйлем ішінен мезгіл үстеуді таба білуге қолайлы жағдай жасау;
Сабақтың типі: Аралас сабақ.
Оқыту формасы: Жеке баламен, топпен, сынып ұжымымен жұмыс жүргізу.
Оқытуда қолданылатын модульдер: Оқыту мен оқудағы жаңа тәсілдер. Сыни тұрғыдан ойлауға үйрету. Оқыту үшін және оқуды бағалау. Оқушылардың жас ерекшеліктеріне, деңгейлеріне сәйкес оқыту және оқу.
Оқытудағы әдіс - тәсілдер: «Өзіңді тексер», «Артық сөзді тап!» топтастыру, жұптық жұмыс, сыни ойлау.
Көрнекіліктер: бағалау бетшесі, интерактивті тақта, маркер, үлестірме қағаздар, слайд, кесте, семантикалық карта, рефлексиялық кесте.

Күтілетін нәтиже

Мезгіл үстеулерді ажыратады.
Топтық жұмыс жасау барысында оқушы деңгейі анықталады.
Оқушылар нақты, шынайы тұжырым жасайды.

Психологиялық ахуал

Психологиялық дайындық

Мейрімді баламыз,

Мейрімге қанамыз.

Ұстаз берген білімді,

Пайдалана аламыз.

Сыныпты үш топқа бөлу. (1-2-3 ретімен бөлу)

Топқа ат қою. Топ басшысын сайлау.

Топ ережесін еске түсіру.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Қызығушылықты ояту

Сандар арқылы сабақтың тақырыбын шешу/ өсу ретімен сандарды орналастыр/
150 206 105 701 606
а ш қ а н
Өткенді қайталау кезеңі.
Семантикалық картамен жұмыс

Жаңа сабақ

Сергіту сәті

Мағынаны тану кезеңі
«Артық сөзді тап!» ойыны. Берілген сөздер қатарынан артық сөзді табу. Олар қай сөз табына жататындығын анықтау. Сол сөздерді теріп алу.
1. Кітап, дәптер, парта, күндіз, өшіргіш.
2. Ақ, сары, ерте, көкшіл күрең.
3. Басады, жүреді, ертең, отырады, жазады.
4. Жиырма, елу, түнде, бес, бір.
5. Мен сен, ол, биыл, олар.
- Ал балалар, осы сөздерге сұрақ қойып көрейікші.
1. Сұраққа жауап бере ала ма? Сұрақ қойыла ма?
2. Ол сөздер қай сөз табына жатады? Қандай мағыналық түріне жатады?
Слайдта көрсетіліп отырады.
Мезгіл үстеу - қимылдың, амал - әрекеттің мезгілін және уақытын мерзімін білдіреді. Қашан? қашаннан? Қай уақытта? деген сұрауларға жауап береді. Мезгіл үстеуі етістікпен тіркесіп қолданылады. Мысалы: таңертең тұрады, былтыр келді, кешке барды, күні - түні оқиды, ертең барады.

Дәптермен жұмыс:
Наурыздың тоғызы

Сынып жұмысы

Мезгіл үстеу
Топтарға тапсырма беру.
Дәптерлеріне жазу.

1 - топ Сөзжұмбақтың жауабын тауып, мезгіл үстеуді дәптерге көшіріп жазу.
Күндіз- түні жүреді,
Сырғымайды бір елі. (сағат)
Таңертең көзін ашады,
Әлемге нұрын шашады. (күн)
2 - топ. Мезгіл үстеудің етістік сыңарын тауып, сол сөзге бағыт апару, дәптерге үтір арқылы жазу.

Әлгінде ояндым
Қыстыгүні айтамын
Таң сәріде айттым
Қазір танимын
Баяғыдан сырғанадық

3 - топ. Сөздерді оқу. Бұл сөздерді етістіктермен тіркестіріп жазу, оларға сұрақ қою.
Былтыр, күндіз, ерте, жаздай. (келді, жазды, шықты, демалды.)

Оқулықпен жұмыс

1-жаттығу Сөйлемдерді оқу, мезгіл үстеулерін табу. Үш топқа екі сөйлемнен беру.

І топ

Бүгін біздің көшенің балалары ауыл сыртында доп ойнадық. Ойынның қызығына берілген біз кешке үйді- үйдімізге әзер тарастық.

ІІ топ

Бір күні Сәліммен көшеде кездесіп қалдым. Ол жақында басқа мектепке ауысып кеткен еді.

ІІІ топ

Түнде кітаптың қызығына беріліп, ұзақ отырдым. Ал таңертең ұйқымды аша алмадым.

«Жұмыр қылыш» биі

3- жаттығу. Топпен жұмыс.

Сурет бойынша мезгіл үстеулерді қатыстырып «Ауыл адамдарының еңбегі» деген мәтін құрып айту.

І топ Қыс мезгілі

ІІ топ Көктем мезгілі

ІІІ топ Жаз мезгілі

Топтағы әр оқушы бір сөйлемнен айтады.

4-жаттығу.

Үстеулерді қатыстырып дәптерлеріне сөйлем құрап жазу.

Жазғытұры, түн ортасы, кешке, ертеде.

Мысалы: Жазғытұры қар еріп, күн жылына бастайды. Менің кішкентай інім түн ортасында оянып кетті. Қонақтар кешке жиналды. Ертеде адамдар май шам жаққан.

Қай сөзбен байланысып тұрғанын айту.

5- жаттығу.

Жұмбақты көшіріп жазып, шешуін табу. Үстеулердің астын сызу.

Әлемнің бар екі күзетшісі:

Бірі- күндіз тынығады,

Бірі- түнде тынығады. (Ай мен Күн)

Мағынасына қарай қандай үстеу екенін табу.

Электронды оқулықтан «Артығын тап» ойыны.

Ой толғаныс

Эссе «Наурыз –жыл басы»

Үйге тапсырма

2-жаттығу,66-бетте

Күнделіктеріне жазып алады.

Бағалау

Оқушыларды бағалау

Бағалау парақшасын толтыру

Кері байланыс

ББҮ кестесін толтырады.

Смайликтерді өзі қалаған нұсқаға жабыстырады.