М.Мақатаевтың 90 жылдық мерейтойына байланысты мақала "Ұлы ақынның аты өшпейді..."

Ұлы ақынның аты өшпейді...

Ұлы ақын саналы ғұмырын поэзияға арнаған ақын. «Мен бір жаққа асығамын...» деп арамыздан тым ерте кетті. Бірақ, ол артына өлмес, өшпес мұра қалдырды. Ол қазақ поэзиясында құйрықты жұлдыздай жарқ етіп, өмірден өтті.

«М. Ғабдуллин атындағы орта мектеп» коммуналдық мемлекеттік мекемесінде 1-10 ақпан аралығында «Мұқағали-мәңгілік ғұмыр» атты ақынның туған күніне орай қашықтан апталық ұйымдастырылды. Осы апталықта «Ғасырдың ақыны» атағын иеленген Мұқағали Мақатаевтың өміріне, шығармашылығына арналған түрлі іс-шаралар жүргізілді. Іс-шаралар түгел дерлік қашықтан ұйымдастырылды. «Мұқағали-өлмейтін, өшпейтін мәңгілік тақырып» деген мағыналы сөзбен ұстаз А. Жарқымбаева апталықтың шымылдығын онлайн форматта ашып, ақынның өмірі мен шығармашылығынан бейнеролик көрсетті. Ұстаздар С. Сұлтанақынова, Л. Рахимбаева, А. Қожахметова «Ғасырда бір туатын дарабоз» атты ақынның өлеңдерінен мәнерлеп оқу сайысын ұйымдастырып, ақынның өлеңдерін жатқа оқып, 8 «А» сынып оқушысы Мырзаш Нурали бас жүлдені жеңіп алды. «Аққудың қанатына жазылған жыр» атты ашық тәрбие сағаты мазмұн тереңдігімен ерекшеленді. Мектебіміздің кітапханашысы Н. Ниязбакиеваның «Ақын тағдыры-поэзия тағдыры» атты оқырмандар конференциясы да тыңдарман қауымның көңілінен шықты.

Музыка пәнінің мұғалімі Ж. Жақып, Г.Шарбатхан «Жырлайды жүрек» атты ақын өлеңдеріне жазылған әндерден қашықтықтан тамаша концерт қойылды. Ұстаз Ризабекұлы Табарак пен қазақ тілі мен әдебиеті пәнінің мұғалімдерінің ұйымдастыруымен «Мұқағали-мәңгілік ғұмыр» атты ақынның шығармаларынан көрініс қойылды. «Аққулар ұйықтағанда» поэмасынан көрініс көрсетіліп, ақынның өлеңдері оқылды.

Осы апталықты қашықтан ұйымдастыруда қазақ тілі мен әдебиеті пәнінің мұғалімдерінің еңбегі де ерекше болды. Апталықты әдістемелік бірлестік жетекшісі М. Мергалиева қорытындылап, осындай игі шараларды жыл сайын ақынның туған күнінде ұйымдастырып, оның болашақ ұрпағына деген сенімін ақтауға шақырды.

Иә, ешқандай қосымшаны, не анықтаманы, ешқандай атақ даңқты қосарлап айтуды қажет етпейтін, Мұзарт тау шыңынан орын алған талантты ақынның аты өлмейді де, өшпейді де. Бұған бүкіл ұстаздар да, оқушылар да жүрегімен сенеді. Мұқағали-мәңгілік тақырып деген осы емес пе?...

Сарсебаева Назира Маратовна

«М.Ғабдуллин атындағы орта мектеп» коммуналдық мемлекеттік

мекемесінің қазақ тілі мен әдебиеті пәнінің мұғалімі