Мұғалім -әлемдегі ең үздік
мамандық
Ұстаз! Осы сөзде қаншама
даналық, ғұламалық, мейірім жатыр десеңізші. Ұстазды құрметтемеген,
ұстазды ұлықтамаған ел кем шығар.«Ұстаз болу – жүректің батырлығы»
деп Ғафу Қайырбеков айтқандай кез-келген тұлға ұстаз бола бермейді.
Ұстаздық жолды таңдау – осы мамандықты жан-жүрегімен сезіну, сүю,
ұрпақ тәрбиелеу, білім нәрімен сусындату. Менің мамандығым-әлемдегі
ең үздік мамандық.
Біріншіден, мұғалім
шәкірттерінің өміріне із қалдырады. Ол белгілі бір пәндер бойынша
білім беріп қана қоймай, тәлімгер, тәлімгер, тіпті екінші ата-ана
рөлін де атқарады. Мұғалім оқушыларды шабыттандырады, қолдап,
жетістікке жету жолында бағыттайды.Ұлы ақын Абай Құнанбайұлы
«Әсемпаз болма әр неге, Өнерпаз болсаң арқалан, Сен де бір кірпіш
дүниеге, кетігін тап та бар қалан» дегендей өскелең ұрпаққа өз
жолын табуға, еліміздің тұтқасын берік ұстауға, ұлтжанды, елі мен
жерін сүйетін патриот, Отанына адал қызмет ететін нағыз жеке
тұлғаны тәрбиелейтін де ұстаз.
Ұстаздың алдынан дана да,
ғалым да, ел басқарған басшы да өткен. Ақын- жазушыларымыз да өз
ұстаздарың, еңбектеріне тарих етіп қалдырғандығы осы ұлы есімнің
мәртебиесінің жоғары екендігінде.Әл -Фараби өз ұстазың кадірлегені
соншалықты Аристотельдің үйіне жақындағанда атынан түсіп, жаяу
жүреді екен. «Төрден орын ұстаздыкі» дегендей ежелден-ақ ұстазға
деген құрмет ерекше болған.
Екіншіден, мұғалім қоғамның
дамуына күш-жігерін жұмасайды.Білім мен мәдениетті, құндылықтарды
және мінез-құлық нормаларын қалыптастыруда шешуші рөл атқарады.
Мұғалім тек білім беріп қана қоймайды, сонымен қатар сыни ойлауды,
төзімділікті, өзгермелі әлемге бейімделу қабілетін дамытуға
көмектеседі. Ұстаздық қызмет – елге қызмет
ету,еліміздің болашағының кемел болуына деген төр тегу, еңбек ету.
«Әр оқушы бір жұлдыз, жарқырауына жәрдем бер»
демекші, ұстаз – жай ғана мамандық
емес, ол болашақ ұрпақтың жұлдызын жағып,өмірден өз орын табуға жол
сілтейді.
Үшіншіден, ұстаз – шабыт пен даналықтың
сарқылмас қайнар көзі. Оның тәжірибесі, білімі мен оқуға деген
құштарлығы оқушыларды білімге ұмтылуға, өзін-өзі жетілдіруге
шабыттандырады. Мұғалімнің өзі үнемі оқу үрдісінде болады, оның
білім алуға және дамуға деген ынтасы оны білім беруде теңдесі жоқ
көшбасшы етеді.
«Тамшымен тас тесетін су
тәрізді» деп Әл-Фараби айтқандай тама-тама тас тескен ұлт ұстазы
болу -мәртебелі , әлемдегі ең үздік мамандық
Мұғалім – шәкіртінің болашағын
қалыптастыратын, шәкірт жүрегінен мәңгілік орын алатын, әлемдегі ең
жақсы мамандық.
.