Мұзтаудың Мұзбалағы.

Жарқ еткен жай отындай жасындағы,

Жанған шырақ Мұзтаудың басындағы.

Өзіндік биігі бар аласармас

Суреткер жиырмасыншы ғасырдағы.

Табиғатпен тілдесіп сырын ұғысқан,

Қанат керіп асқар шыңға бір ұшқан.

Әдебиетке тың серпіліс ап келген

Шыққан жұлдыз сөнбейтұғын шығыстан.

Кер мінезді кербез үнді арысым,

Ерімеген шыңның аппақ қарысың.

Әр жанрға жан бітіріп жазатын.

Бөлекше еді болмыс бітім шабысың.

Қиыршығы өр Алтай өркешінің,

Қайталанбас жалғасы өр көшінің.

Табиғи сұлулыққа жаны құмар.

Дарабозы жазушылар өлкесінің.

Аршалының тәккәппар асау маралы,

Мекен еткен мүлгіген жұмақ даланы.

Тастан салған мүсіні күншығыста,

Жол көрсетіп алыста қалып барады.

Табиғатпен астасқан түгел демің.

Қаламаушы ең күн көзі түнергенін.

Түз тағысы Алтайдың кер бұғысы

Аралаған тау шатқал сілемдерін.

Орақ тілді Мұзтаудың мұзбалағы,

Жалын ішіп от шайнап мұз жалады.

Ұрпақтарға мұрасы азық болған,

Ұлылардың артында із қалады.