Н.Ақыш "Нағыз әже қайда?" әңгімесі. Менің әжем.

Ұзақ мерзімді жоспардың тарауы:

5.4.1 Отбасы құндылықтары

Сабақ : Қазақ әдебиеті

Мектеп : № 275 мектеп

Күні: 27.04. 2018 жыл

Мұғалімнің тегі, аты: Мендибаева Лаззат

Сынып: 5 «Ә»

Қатысқан оқушылар саны: 17

Қатыспаған оқушылар саны: 0

Тақырыбы

Н.Ақыш «Нағыз әже қайда?» әңгімесі. Менің әжем.

Осы сабақ арқылы жүзеге асатын оқу мақсаттары

5.А/И4. Шығармашылық жұмыс. Көркем шығармадан алған әсерін сипаттап, авторға хат, өлең жазу;

5. Б/С2. Заманауилығы мен жаңашылдығы. Кейіпкерлерді шынайы өмірмен салыстырып бағалау.

Сабақ мақсаттары

Барлық оқушы орындай алады:

-Әңгімеден алған әсерін сипаттайды.

-Мәтіннің мазмұнын мазмұндайды

Оқушылардың көпшілігі орындай алады:

-Шығармадан алған әсерін өз сөзімен айта алады.

-Көркем шығармадан алған әсерін сипаттайды, хат жазады.

Кейіпкерлерді шынайы өмірмен салыстырады.

Кейбір оқушылар орындай алады :

-Әңгімеден алған әсерін тұжырымды түрде жеткізеді.

Көркем шығармадан алған әсерін сипаттап авторға хат жазады.

Кейіпкерлерді шынайы өмірмен салыстыра алады.

Бағалау критерийлері

• Көркем шығармадан алған әсерін сипаттайды.

Кейіпкерлерді шынайы өмірмен салыстырып бағалайды.

Тілдік мақсат

Оқушылар орындай алады: автордың өмірі мен шығармашылығын меңгереді,әңгіменің жанрын,стилін анықтайды.

Нақты тақырыпқа арналған сөздік қор мен

терминология: бала әуені, футболка,уәде,пойыз,тақырып, идея, жоңышқа, топшылау, шіркеу, күмілжу, ұстара

Айтылым мен жазылым бойынша қолданылатын тіркестер жиынтығы:

• Әжесіз өмірді көз алдымызға қалай елестетеміз?

Әженің өмірдегі орнын неге теңер едің?

-Әңгіменің негізгі идеясы қандай?

-Неліктен шығарма «Нағыз әже қайда?» деп аталды?

Алдыңғы оқу

Н.Ақыш «Нағыз әже қайда?» әңгімесі

Пәнаралық байланыс

Қазақ тілі, өзін-өзі тану, музыка

Құндылықтарға баулу

Топтық жұмыс барысында өзара сыйластық, құрметпен қарау, қарым-қатынас жасау қабілеті, жауапкершілікті сезіну, ата-ананы құрметтеу, көмектесу, өмірдегі әженің рөлін бағалау, «Мәңгілік Ел» идеясы арқылы оқушылардың патриотизм мен азаматтық жауапкершілікті арттыра отырып, ұлттық тәрбиеге баулу.

Жоспар

Жоспарланған уақыт

Жоспарланған жаттығулар

Ресурстар

Сабақтың басы

8 минут

4мин.

4 мин.

Ұйымдастыру кезеңі:

1.Оқушылармен сәлемдесемін.

2.Оқушылардың бүгінгі көңіл-күйін білу.Топта жағымды психологиялық ахуал туғызу, сөздер арқылы 3 топқа біріктіру.

Армысың, досым,

Кел, маған қосыл.

Алақанға сап алақан,

Қатарға бірге тұрайық,

Жер шарындай айналып,

Әлемге жарық сыйлайық.

-Сіздер, балалар, әлемге жарық сыйласаңыздар, біздерге әлемнің жарығын сыйлайтын кім?

-Ана!

-Ананың анасы сендерге кім болады ?

- Әже.

-Бүгінгі өтетін сабағымыздың тақырыбы кім туралы екен?

- Әже туралы яғни «Менің әжем» тақырыбы.

І. "Миға шабуыл» әдісі арқылы оқушыларға ашық сұрақтар қоямын:

Әже деген сөзді естігенде көз алдымызға кім келеді?

ІІ. Поэзия минуты. Әже туралы қандай өлеңдер білеміз?

Өткен тақырыпты пысықтауға байланысты интерактивті тақтадан

«10 сұрақ – ия - жоқ деген жауап» әдісі бойынша төмендегі сұрақтарды беремін. (Жеке жұмыс)

1. Азат қыздарына «Құйыршық», «Ер Төстік» ертегілерін айтты ма?(ия)

2. Қыздар әжеге барамыз, әжені көреміз деп мәз-мәйрам болды ма? (ия)

3. Ауылдан ұшақпен келген әжені Жолдасжан қарсы алды ма? (ия)

4. Балабақшада «Айболит», «Қызыл телпек» ертегісі айтылды ма? (ия)

5. «Қарағым, айналайын»,-деп жылы сөйлесетін иман жүзді қария Азаттың анасы ма?(ия)

6. Әже, осы сіз шын әжесіз бе? деген Ая ма?(жоқ)

7. Ауылдан келген әжеге ертегі айтып бер деп сұраған Ая ма? (ия)

8. Аликтің әйбат кітабы өте көп пе? (ия)

9. Ая мен Райханның анасы Балқыз ба?(ия)

10. Қыздарға уәде берген анасы ма? (жоқ)

Бағалау. Мұғалімнің бағалауы.

АКТ

стикерлер

Сабақтың ортасы

24 мин.

10 мин.

3мин

11мин

Тапсырма№1. (Топтық жұмыс)

1-топ: Мейірімді

2-топ: Жанашыр

3-топ: Еңбекқор

«Адасқан үзінді» әдісі бойынша сынып қабырғаларында әңгімеден 3 үзінді тұрады. Әр топ мүшелерінен бір оқушы үзіндіні көркем оқиды. Әңгіме желісі бойынша әңгімелесе отырып, үзінділерді тақтадағы ұяшықтарға ретін анықтап қойып, түсіндіреді. Үзіндіден алған әсерін авторға хат қылып жазады. (отырған оқушылар)

«Басбармақ» әдісімен топ-топты бағалайды.

Бағалау. «Не жақсы?» әдісі бойынша топтағы оқушылар бірін-бірі бағалауы.

Сергіту сәті. Ән. «Асыл әже» барлығы орындайды.

№ 2 тапсырма. БС.

1-топ:

«Салыстыру аймағы» әдісі арқылы шығармадағы әже мен әңгіме кейіпкерлері Ая мен Райханның қиялындағы әжелердің бейнесін салыстырады.

2-топ: «Буриме» әдісі. Ақ әжем деп соғады әркез жүрегім... өлең шығару.

3-топ: «Әжеме тілек» Тілектерін жазу.

Бағалау. «Екі ұсыныс, бір тілек» әдісімен

«Қарттар үйі» бейнебаян көрсету.

№ 3 тапсырма.

ЖЖ. Шығармашылық жұмыс. Шығарма жазуға арналған пайдалы тіркестер.

Менің ойымша ......., Маған ....... әсер етті, ............... болғанын қалаймын. Менің болжамым бойынша..........., Меніңше, ...........

Тыныштық сәті. Бүгінгі сабағымызды есімізге қайта түсіріп көрейікші.....

Кері байланыс. Білім қоржыны.

Үйге тапсырма: « Менің әжем» эссе жазу.

Плакат

маркерлер

Оқулық

Постер қорғау

Оқулық

Оқушы дәптері

Тілек қағазы

АКТ

Ватман қағаз

Маркер Смайликтер