Наурыз жыл басы

«Төрлет,төрлет Наурыз!»

Мақсаты:Ұлыстың ұлы күні наурыз мерекесін тойлау.Ұлттық салт-дәстүр, әдет-ғұрып жайында қарапайым түсінік беру.Ата-бабаларымыздың кейінгі ұрпаққа мирас еткен асыл мұрасын қадірлеп,қастерлеуге,қасиетін түсінуге баулу.Ұлттық дәстүрдің ерекшеліктерімен таныстыру. Қазақ халқының салт-дәстүрлерін балалардың бойына сіңіру. Балаларды ұлттық салт-дәстүрді, мұраларын танып, білуге,сыйлап,түсінуге үйрету. Балалардың ой-қиялының, шығармашылық белсенділігінің және бейнелі ойларының дамуына ықпал ету.

Жүргізуші: Армысыздар қонақтар,бүлдіршіндер! Күлімдеген шуақты көктеммен бірге қазақ даласына жаңа жыл келді. Наурыз — жыл басы, наурыз — қуаныш мерекесі. Наурыз — бақыт пен шаттық мерекесі. Наурыз – көктем мерекесі. Ендеше «Көктем» туралы ән шырқайық.

Ән: «Көктем келді»

Жүргізуші:Балалар біздер Ұлыстың ұлы күні ақ бата алып,шашу шашатын кім екенін білесіңдер ме? Балалар:Қыдыр Ата,Наурыз әже

Жүргізуші:Ендеше ортаға ақ батасын беруге Қыдыр атамызды,шашуын шашуға Наурыз әжемізді шақырайық!

Қыдыр ата:

Сұрасаң бата берейін,

Үстем болсын мерейің

Ықыласпен қол жайсаң,

Ақ тілекті төгейің

Ұлыс оң болсын

Ақ мол болсын! Әумин!

Наурыз әже:

«Наурыз келсе,құт келгені,халайық!» Есік ашып,шашу шашып, Ел боп қарсы алайық(отырған қонақтарға шашу шашады)

Жүргізуші:Қыдыр ата!Наурыз әже!Ортаға жайғасыңыздар бүгін біздің «Төрлет наурыз» атты тойымыз болғалы жатыр бізбен бірге тойлаңыздар!

Қыдыр ата:Жарайды құрметтеп бізді төрге шақырсаңдар ешқандай қарсылығымыз жоқ. Жүргізуші: Ендігі кезекті балалардың өлең-шумақтарына береміз

Іңкәр:

Наурыз тойын жұп жазбай,

Қошеметпен қарсы алайық.

Досқа құшақ ашайық,

Өлең жырға басайық,

Қазақтың бір салты деп

Тойға шашу шашайық.

Нұркелді:
Елім менен жеріме,
Ырысын шашқан Наурыз.
Күлімдеген көктемге,
Шуағын шашқан наурыз.
Жеті түрлі дән салып,
Дәм татқызған наурыз.
Жақсылық тілеп халыққа,
Молшылық әкелсін наурыз.

Диана:

Уа, халайық,халайық

Әсем әнге салайық

Наурыз тойын көңілді

Бірге қарсы алайық.

Айсұлтан:

Наурыз шаттық әніміз

Салтанатты сәніміз

Ән саламыз бәріміз

Би билейміз бәріміз.

Досымжан:

Наурыз айы-гүл айы

Наурыз айы нұр айы

Наурыз айда халқымның

Құлпыра түсер шырайы

(Ортаға әуенмен Алдар көсе келеді)

Алдар көсе:

Мен Алдармын,Алдармын,

Сақалымды талдармын

Сақал түгін мұрт та жоқ

Шайтанды алдадым

Сусыз жерде өсемін

Сондықтан да Көсемін. А-а-а-а-а-а-а-а-а-а

Сәлеметсіңдерме.балалар!

Жүргізуші:Қош келдің,Алдар көсе балаларымыздың өнерін бірге тамашала. Алдар көсе:Ия дұрыс айтасыз,балалардың өнерін тамашалауға келдім. Балалар мен сендермен «Тауық күрес» ойынын ойнағым келіп тұр. Ойын:«Тауық күрес»

Алдар көсе:Байқаймын балалар шеттеріннен мықты екенсіңдер. Барған жерімде сендерді мақтап жүретін боламын. Балалар мен енді басқа балалардында күштерін сынайын.Олай болса сау болыңдар.

Жүргізуші:Ұлдарымыздың «Қара жорға» биін тамашалаңыздар.

Би: «Қара жорға»

Наурыз мерекесін жыр -шумақтарымен. жалғастырмыз

Еркежан:

Өлкеме Наурыз келді, көктем келді

Құлпырып гүлге орап көк пен жерді

Халқымның салт-дәстүрлерін аялаған

Арманы асқақтады көптен бергі

Сырымбет:

Жыл басы Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды.

Балнұр:

Наурыз келді тамаша,

Ән айтамыз таласа

Атам, әжем той тойлап,

Қуанып жүр балаша

Би билейміз тамаша

Ернар:

Малдар төлдеп, қой қоздап,

Сүт бұлағын ағызған.

Жаңа жылдың сипаты

Молшылыққа аңыз боп

Басталыпты Наурыздан

Інжу:

Наурыз келді еліме,

Наурыз келді жеріме

Байлық, бақыт тілеймін

Бүкіл қазақ еліне

Жүргізуші:

Бауырласқа тәнтіміз,

Бұзылмаған салтымыз.

Кен даламыздың ежелгі,

Қазақ деген халқымыз

Өзге ұлттай бізде де,

Бар дәстүр мен салтымыз

Халқымыз «Астыңдағы атыңнан құласаң да, ұлтыңның салтынан құлама» деген, ұлттық салт - дәстүрлерімізге кезек берсек.

Салт-дәстүр: «Құда түсу»

Жүргізуші: Наурыз мерекесіне арналған әнімізді шырқайық. Ән: «Қош келдің ,Әз Наурыз!»

Жүргізуші: Балалар 22- наурыз  аспан денелері өздерінің бастапқы нүктелеріне келіп, күн мен түн теңелетін, жан – жануарлар төлдеп, адамдардың аузы аққа тиетін,жер үстіне шаттық орнаған күн.Олай болса ортаға  Ай мен Күнді шақырамыз.

Ортаға Ай мен Күн шығады.

Күн:Сәулесі көп күнмін Түн:Жұлдызы көп түнмін Екеуі:Бірдей болып біздер Теңелеміз бүгін Күн:Ұзарамын мен енді Түн:Қысқаратын кез келді Екеуі:Ұйқы қанбай қалып, Жүрмеңдер тек жылап. Екеуі:Гүлмен жерді жайнатып Құлпыр,наурыз сен енді. Сәлеметсіңдерме балалар!Балалар біз сендермен қызықты ойын ойнағымыз келіп тұр. Ойын:«Күн мен түн» Жүргізуші:Келесі кезекте біздің қыздарымыздың биін тамашалаңыздар. Би: «Қыздар биі »

Жүргізуші:Келесі кезекті өлең шумақтарына береміз:

Әбубәкір:

Көгімде күн өрлетіп,
Төрт түлігін төлдетіп,
Қаймақ сүтін көлдетіп,
Ыризық-құтын селдетіп,
Келді Наурыз – Ұлыс күн!

Елдана:

Наурызым шат-думан көңіл тойы,
Жан берген тіршіліккке өмір тойы.
Кеңлейіп ел-жұртына мейір шашып,
Күн нұрын құшып жатыр өңір бойы.

Сырым:

Ақ қар кетіп қыс өтіп,
Шырайлы шуақ жаз жетіп.
Шаруаның ұлы кенелген.
Күн мейрамы ежелден –
Құтты болсың бұл Наурыз!

Гұлнұр:

Жер үсті жасарады, жаңғырады.
Бар аймақ аңсай күткен сән құрады.
Қой қоздап, қозы өріп, егін көктеп,
Туған жер төскейінен ән құлады.

Әлинұр:

Наурыз – бұл мереке
Құтты болсын береке
Қыдыр ата келсін
Жақсы тілек әкелсін.

Ендеше бүгінгі «Төрлет Наурыз» атты ертеңгілігімізді әсем әнмен аяқтайық. Ән: «Наурыз мереке»

Жүргізуші:

осымен наурыз мейрамына арналған мерекелік іс- шарамыз  аяқталды. Мына Ұлыстың Ұлы күні әрбір отбасына қуаныш, бақыт әкелсін! Ұлыс оң болсын! Ақ мол болсын.

Жанарларыңыздан жылу, жүздеріңізден күлкі кетпесін! Қош сау болыңыздар!