Мұғалімнің аты-жөні: Қуекесова Г.Т.

Күні: 17.03.2021

Сыныбы: 2 – сынып

Пәні: Ана тілі

Оқушылар саны: 4 Сабаққа қатысқан оқушылар саны: ____

Сабақтың тақырыбы: Наурыз мейрамы

Сабақтың мақсаты:

Білімділік: оқушылардың Наурыз туралы түсінігін кеңейту, сөздік қорларын молайту, жаңа сөздерді пайдаланып ауызекі сөйлеуге үйрету.

Түзету-дамытушылық: оқушылардың танымдық ықыласын молайту, қызығушылығын, белсенділігін арттыру. Өз ой пікірлерін еркін жеткізу дағдыларын дамыту.

Тәрбиелік: оқушыларға төл мерекеміз Наурызды насихаттау, еліміздің салт-дәстүріне деген сүйіспеншілігін арттыру және құрметтеуге тәрбиелеу.

Көрнекі құралдар: түрлі-түсті қарындаштар, қалам, Наурыз мерекесі туралы мәтін, шапанның суреті, жазылым тапсырмасы, сәйкестендіру тапсырмасы, ассоциация, презентация, Наурыз мерекесіне арналған плакаттар, бейнетаспа.

Әдіс-тәсілі: сұрақ-жауап, көрнекілік, көрсету, түсіндіру, ойын.

Сабақ барысы

І. Ұйымдастырушылық кезеңі.

Психологиялық дайындық

Ынтымақтастық атмосферасын қалыптастыру

Күн жарығын алақанға саламын

Жүрегіме басып ұстай қаламын

Ізгі әрі нәзік,жарық,мейірімді

Болып кетер сонда менің жан-жағым

Күнге қолдарыңды созыңдар. Күннің жомарт сәулелері ананың нәзік алақанындай аялайды. Жүрегіміздегі осындай жылумен сабағымызды бастаймыз.

ІІ. Негізгі бөлім.

-Қазір жылдың қай мезгілі ?

-Көктемнің ерекшеліктері қандай?

-Саған жылдың қай мезгілі ұнайды?

-Көктем мезгілі неліктен ұнайды?

-Наурыз  айында  қандай  мерекелер  бар? (8 наурыз, 22 наурыз)

Оқушылардың жауаптары тыңдалады

Тақтада Наурыз мейрамы туралы бейнетаспа көрсетіледі.

- Наурыз жылдың әрі көктемнің бірінші айы. «Нау»-жаңа, «руз»-күн деген мағынаны білдіреді. Наурызда күн мен түн теңеледі. Қазақша жаңа жыл басталады. Бар табиғат оянып, түлеп, жасарған күн бұл «Ұлыстың ұлы күні» деп аталады.

Наурыз – достық, еңбек мерекесі. Ұлыстың ұлы күні адамдар бір-біріне деген реніштерін ұмытып өзіне де, өзгеге де жақсылық тілеген.

22 наурыз – Ұлыстың ұлы күні. Бұл күні күн  мен түн теңеледі. Табиғат та, Жер Ана да,  жан-жануарлар да түлейді. Адамзаттың бойында қан жүгіріп, тал-теректер бүршік жарады. Қазақтың сайын даласын Қызыр баба кезіп, адам баласына құт-береке, бақ-дәулет сыйлайды. Самарқанның көк тасы еріп  гүлдер, шөптер шыға бастайды.

Ұлыстың ұлы күні дастарқанның басты асы – Наурызкөже болған. Наурызкөже жеті түрлі тағамнан жасалады.

1.Бидай

2.Ет

3.Күріш

4.Су

5.Тары

6.Тұз

7.Айран, сүт

Наурыз көжені тойып ішу кажет. Дастархан басында жастар үлкендердің батасын алған.

«Ұлыс оң болсын!

Ақ мол болсын!

Қайда барсаң да жол болсын!»

Мереке қызған кезде жастар алтыбақан жанында түрлі ойындар ойнап, ән шырқап, би билеп, мақал айтып, жұмбақ шешіп жарысқан.

Қандай қазақ ұлттық тағамдарын білесіңдер?
- Балалар, жеті түрлі тағамнан қандай тағам пісіріледі?( Наурыз көже)
- Жеті түрлі тағамдарды атайықшы?
- тары, құрт, жүгері, арпа, айран, тұз және ет.

ІІІ. Тапсырмалар орындау.

1-тапсырма.

Оқылым. Оқушылар мәтінді мұқият оқиды және сұрақтарға жауап береді.

Наурыз мерекесі.

Наурыз - шығыс халықтарында жыл басы мерекесі. Парсы тілінен "нау" - "жаңа", "руз" - "күн" деп аударылады. Жаңа жылдың бірінші күні дейді. Адамдар наурыз мерекесіне дайындалады. Олар бұлақтарды тазартады, бақта ағаштарды отырғызады. Әдемі ұлттық киімдерін киеді, бір-бірін мерекемен құттықтайды, сыйлық сыйлайды. Жеті түрлі тағамнан наурыз көже пісіреді. Бұл күні жер иесі Қыдыр Ата даланы аралап, баршаға бақыт пен береке тілейді. Мерекеде жастар ән айтады, би билейді және ұлттық ойындар ойнайды. Үлкен кісілер бата береді. Мереке көңілді өтеді.

1. Наурыз сөзінің мағынасы қандай?

2. Наурыз мерекесінде қандай ерекшеліктер болады?

3. Бұл күні даланы кім аралайды?

4. Мереке қалай өтеді?

2-тапсырма.

Жазылым. Көп нүктенің орнына тиісті сөздерді қойып жаз.

Күн мен түн .................................... .

Әр үйде наурыз көже ....................... .

Наурызда адамдар ұлттық ойындар ......................... .

Керекті сөздер : пісіреді, теңеледі, ойнайды

3-тапсырма.

Сөздерді сәйкестендір

ІV.Сергіту сәті.

«Қара жорға» биі. Бейнетаспада көрсетіледі.

4-тапсырма.

«Артығын тап» ойыны. Наурыз көжеге қоспайтын тағам түрін тап.

5-тапсырма

Қазақ халқының ұлттық киімі Шапанды боя.

V. Кері байланыс

Сұрақ-жауап әдісі арқылы.

-Наурыз мерекесі қандай мереке?

-Қандай елдер наурыз мерекесін тойлайды?

-Наурыз қандай мағына береді?

- Қандай қазақ ұлттық тағамдарын білесіңдер?
- Балалар, жеті түрлі тағамнан қандай тағам пісіріледі? (Наурыз көже)
- Жеті түрлі тағамдарды атайықшы?
- Тары, құрт, жүгері, арпа, айран, тұз және ет.

Оқушылардың жауабы тыңдалады

VІ. Қорытынды

Сабақтың басты сәттеріне тоқталу

- Балалар, бүгін сабақта не туралы өттік?

- Наурыз туралы не білдік?

Оқушылардың болжамды жауаптары тыңдалады

Осымен сабағымыз аяқталды, сау болыңыздар!

Жетекшісі: Дефектолог: Ғиниятова Н. Т.