Жанында интернаты бар А.Үкібаев атындағы орта мектеп
Наурыз мерекесі
5-11 сыныптар
Өткізген: Оспанова Эльмира Жанәділқызы Бопаева Асем Буркитбаевна
2018 ж.Тақырыбы Наурыз келсе, құт келгені, халайық!І бөлімМектеп холы мерекеге сай безендірілген, қазақша «Наурыз думан» әні қойылады. Ортаға екі жүргізуші шығады.І жүргізуші: Тыңдаңыздар, Тыңдаңыздар!Босқа қарап тұрмаңыздар!Көргендер де арманда,Көрмеген де арманда,Қызықтан құр қалмаңдар!Босқа қарап тұрмаңдар!
ІІ жүргізуші Малдар төлдеп, қой қоздап, Сүттен бұлақ ағызған,Жаңа жылдың сипаты,Молшылыққа аңыз боп,Басталыпты Наурыздан.Ақ қар кетіп, қыс өтіп,Шырайлы шуақ жаз етіп,Шаруаның ұлы кенелген,Күн мейрамы ежелден,Құтты болсын бұл Наурыз!
І жүргізуші Құрметті жиналған қауым, дін мұсылман халқының келіп жеткен жаңа жылы барашамызға, халқымызға құт берекесін, ынтымақ мерекесін, байлығын ала келсін, Наурыз мейрамы құтты болсын!Келді Наурыз жылымызМейрамдаймыз мұны біз.Жас балаша нұрланып,Жадырайды күніміз!Күннің жаңа нұры бар,Мұның ғажап сыры бар,Халық сүйген мейрам бұл,Қарсы алайық, тұрыңдар!
ІІ жүргізуші Наурыз келсе, құт келгені, халайық!Есік ашып, шашу шашып, ел боп қарсы алайық! (ортаға Наурыз қыз шығып келе жатқанда «Қош келдің, Наурыз көктем, Қош келдің, жаңа нұрлы күн» деген сөздерді айтып сынып жетекшілері Динара, Шолпан, Қызғалдақ, Жанна шығып шашу шашады )
Наурыз Сәлем, ата аналар,Айналайын балалар!Халқым есен аман ба?Жаса жайлы заманда!Уақыт үдеп келдім мен,Бақыт тілеп адамға!Қудым жерден суықты, Қырдан салқын бу ықты,Гүл жайнаған көктемде,Гүлден сыйлық көп мендеӘне гүлдер келеді,Ән сап билеп береді! (Осы кезде екі жақтан биші қыздар шығып қазақша би билеп, айналаны гүлдендіреді 9-сынып)Ортаға Қызыр баба шығады. (10-сынып) Шығып келе жатып, Ассалаумағалейкүм, Ұлы дала, Ұлы даланы мекен еткен, жүрген жерін мереке еткен халайық! Деп сөйлеп шығады. Наурызға жақындап:Қош келіпсің, Наурыз,Арман тойы ананың,Қуанышы ғаламның,Құтты болсын қадамың,Сені тойлап қарсы алып,Бар әлемге жар салып,«Бейбітшілік тойы» депҚол соғады барша жұрт.Осы кезде ортағаЖиренше келеді. Жиренше: Той әкелген ғаламға,Наурыз айым, аман ба? (Наурызбен төс қағыстырады)Бас иеміз бабамыз, Бас иемін саған да! (Қызыр бабамен төс қағыстырады)Барша жұртым, аман ба?Құтты болсын, Наурыз!Сүтті болсын малымыз,Сәтті өтсін жылымыз! (Отырғандардың бірнешеуімен төс қағыстыра амандасады). Уа, халайық, Біз бұл тойға құр алақан келген жоқпыз, Қарашаш бастаған арулар өздеріңізге арнап, жеті түрлі дәм салып арнайы Наурыз көже пісірді. Ал енді ақ адал асымыздан дәм татыңыздар. Наурыз көже таратуға бірнеше қыз шығады.Қарашаш: Ау, аталар, аналар!Айналайын балалар,Жеп ішсін деп тамсанып,Жеті түрлі дәм салып, Наурыз көже пісірдім,Тойға қазан түсірдім,Құйдым алтын табаққа,Құлшыныңдар тамаққа,Бал көжеден татыңдар,Бар қызықққа батыңдар!Көжеге жас кәріңдіШақырамыз бәріңді! (Наурзы көже таратылады)
І жүргізуші: Наурыз тойы береке, Наурыз тойы жыр аңыз,Қызып дулы мереке,Қызық думан құрамыз! Құрметті халайық, бүгінгі тойға 8-сыныптың өнерлі оқушылары ән шашуларын арнап әкеліп отыр екен, сол өнерпаз жастарға кезек берейік.
ІІ жүргізуші: Күн әкелген жыл керім,Күллі дүние жайдары.Желкілдетіп гүлдерінКүллі дүние жайнады, Жайнаған жер үстінде Алтынның күннің астындаБал бұл бала ойнады, дей келе кезекті ұлттық ойындарға берейік. 5-сынып оқушыларын ортаға шақырып «Сақина салмақ» ойыны ойнатылады. Қыздар қазақша би билейді.
І жүргізуші: Наурыз шаттық әніміз,Салтанатты сәніміз,Ән салып жас кәріміз,Би билейік бәріміз! Қане, жастар, аянып қалмаңдар, бар өнерлеріңді көрсетіңдер!Ортаға жарапазан айтушылар шығады (6-сынып оқушылары)
ІІжүргізуші: Наурыз көктем тойымыз ,Той дәмі мол: тойыңыз!Күн ұзарар жылынып,Өсер біздің бойымыз,Төлдеді де малымыз,Тамыр жайды талымыз!Наурыз өнер жарысынБастады жас кәрі үшін,Тойын жасап ел енді,Қуанышқа бөленді,Жарқыраған жас нұрлы,Жаса, Наурыз, дәстүрлі! Енді ортаға 7-сыныптардың өнерпаздарын шақырамыз!
І жүргізуші: Халқымыз Наурыз мерекесі қарсаңында бір бірімен көрісіп, ақ тілек пен баталарын аямаған, дана халқымыз «Жаңбырменен жер көгерер, Батаменен ел көгерер» деген екен, олай болса кезекті ақ тілектерге берейік.Ал, Қызыр баба, елге бата беріңіз!Қызыр баба: Ал, тыңдаңдар батамды,Ардақта, ана, атаңды!Тойсаңдар, тасып, бөспеңдер,Топастықты кешпеңдер,Ананың сүтін ақтаңдар,Ар намысты сақтаңдар!Жалқаулық жаудан жаман ды,Жеңіңдер оны күреспен Жеңіске жетер бірлескен,Кең пейіл, дарқан халқымыз,Кеңейді дәстүр салтымыз.Дәстүрін елдің сыйлаңдар,Дәстүрлі салтты тойлаңдар,Орындалсын ойларың,Тойға ұлассын тойларың!Әумин!
ҚР Білім және Ғылым министірлігінің стандартымен жасалған
08 Қаңтар 2019
432
0 рет жүктелген
