Неге журналистика ?

Неге журналистика ?

Журналистика – халық пен билікті байланыстыратын ең басты көпір. Журналист – шындықты,ақиқатты жеткізетін жан. Ол өмірді сипаттап қана қоймай,онда болып жатқан іс – әрекеттерді анық – қанығына дейін жеткізеді. Қоғамдағы саяси және әлеуметтік жаңалықтардан хабардар болып отырады. Халықтың жоғын жоқтап,мұңын даттайтын жан. Жаңалықтың барлығын бүге – шүгесіне дейін жеткізетін журналистер. Олар болмаса халық жаңалықтан бейхабар болуы да әбден мүмкін.

Мен неге журналистика мамандығын таңдадым ? Соңғы бір жылдықта мен журналистикаға өте қатты қызықтым. Журналист болуды алдыма мақсат еттім,армандадым. Себебі мен жақсы – жаман жаңалық болса да халықпен бөлісіп отыруды қаладым. Тележүргізуші,диктор боламын деп мақсат қойдым. Үлгі тұтар журналистерім де бар. Мысалы: Ғалым Кәлмен,Асаубек Айымбетов секілді мықты тележүргізушілер мен үшін үлгі. Қаламгеріміз Шерхан Мұртаза айтпақшы журналист көргені алтын,жегені – жантақ – деп. Журналист нағыз ұлтжанды қанша сыналса да жүрегі халқым деп соғып,халықтың тілі және құлағы бола алуы. Журналистер тек ақиқат пен шындықты жеткізуші олар адал,әділ,шыншыл болады. Журналистиканы таңдауымның бір себебі жоғары да айтылған қасиеттер бойымда табылғандықтан таңдадым. Қызығушылығымды арттырғандар Ғалым Кәлмен,Асаубек Айымбетов еді. Журналист бола салам деу жалқаудың,білімсіздің сөзі,өйткені көп еңбекті,білімді,талпынуды,қайсарлықты талап етеді. Мен қазірден дайындалып келемін. Журналист болу жолы қандай ? Біріншіден: білім алып,газет,журнал,мақала,көптеп оқу қажет. Екіншіден: кез – келген жағдайға дайын болуы. Біз яғни жастар айтылған қасиеттерге,жету жолына қарай қазірден дайындалуымыз керек. Басты міндетіміз осы.

Қорытындылай келе журналистің көрері қиын һәм қызық. Журналист боламын деудің себептеріне тоқталып кеттім. Және мен нақты шештім журналист боламын деп. Сен өзіңнің арман- мақсатыңнан ешқашан аянып қалма,жету жолында бар күшіңді салсаң бітпеген уақытта міндетті түрде жетесің.