Қазіргі білім беру кеңістігінде оқушылардың тұлғалық дамуына, рухани байлығы мен адамгершілік қасиеттерін қалыптастыруға ерекше назар аударылуда. Жаңа формациядағы оқушы тек білімді ғана емес, сонымен қатар өмірлік ұстанымы берік, ұлттық жəне жалпыадамзаттық құндылықтарды бойына сіңірген тұлға болуы тиіс. Осы тұрғыдан алғанда, көркем əдебиет – жас ұрпақтың дүниетанымын кеңейтіп, олардың ішкі жан дүниесін тəрбиелеудің, дұрыс бағдар берудің ең пəрменді құралдарының бірі. Ұсынылып отырған «Əңгімелер, хикаяттар арқылы өмірлік құндылықтарды тану» атты авторлық бағдарлама 7-сынып оқушыларына арналған. Бағдарлама мазмұнында қазақ əдебиеті мен əлем əдебиетінің таңдаулы үлгілерінен алынған əңгімелер мен хикаяттар қамтылып, оқушыларға эстетикалық əсер беруімен қатар, ізгілікке баулып, құндылықтық бағдарын айқындауға бағытталған. Бағдарламаның мақсаты - Əңгімелер мен хикаяттарды оқу жəне талдау арқылы оқушылардың рухани-адамгершілік құндылықтарды танып, оларды өмірде қолдана алуына жағдай жасау.