Нормативтік құқықтық актілермен жұмыс мәдениеті неден тұрады?

Негізгі нормативтік құқықтық актілері - негiзгi және туынды актiлер болып екіге бөлiнедi. Нормативтiк құқықтық актiлердiң негiзгi түрлерiне: Конституция, конституциялық заңдар, кодекстер, заңдар жатса, туынды нормативтік құқықтық актілерге : Қазақстан Республикасы Президентiнiң Конституциялық Заң күшi бар Жарлықтары, Қазақстан Республикасы Президентiнiң өзге де нормативтiк құқықтық құжаттары жатады. Нормативтік  құқықтық актілер - белгілі бір қоғамдық қатынастарды реттеуге бағытталады. Нормативтік құқықтық акті - ресми құжат болғандықтан, оны құзыреті бар уәкілетті орган шығаратыны белгілі.

Қоғамның бір орында тұрмай дамуына сәйкес нормативтік құқықтық актілер де сан және сапа жағынан да күнделікті дамып, кейбір нормалардың бір – біріне қайшы келіп, қайталануы да, кемшіліктері де болып жатады. Өзгерістерге үнемі ұшырап жатқан нормативтік құқықтық актілерден өздеріне керектерін тауып алу, оны пайдалану, жеке тұлғаларға қиындық туғызуда. Сондықтан мемлекет қабылдаған нормативтік құқықтық актілер жіктеліп, топтастырып отырылады, оның әртүрлі әдіс – тәсілдері де болады. Қарапайым тілде айтатын болсақ, нормативтік құқықтық акт тұрақты негізде құқық нормасын туғызады.

Қазіргі қоғам нормативтік құқықтық актілермен жұмыс жасау мәдениеті көкірегі ояу азаматтардан  нормативтік акт мәтінінің мазмұнын түсіну, оны талдай білу, оның құрылымын түсіну, құжатты оқи білу және сол құжаттардан өзіне керегін тауып алуға үйренуді талап етеді. Заманымыздың азаматтары мен жастарынан сұранысы мен талабы - құқықтық білім алу  болып тұр. Нормативтік құқықтық актілермен жақсы танысқан, онымен дұрыс пайдалана білетін Қазақстан азаматы өзін кез келген жағдайларда қорғай алады, көмек қажет болған жағдайда көмек те көрсете алады.

Заңнама үнемі өзгеріп отыратындықтан, құқықтық білімді жаңартып отыру маңызды. Заңгерлер мен мемлекеттік қызметшілер үнемі біліктілігін арттырып, жаңа заңнамалық өзгерістерді бақылап, кәсіби семинарлар мен оқыту бағдарламаларына қатысуы керек. Бұл құқықтық жұмыстың сапасын арттыруға көмектеседі.

  Жастар арасында еліміздің заңдары мен халқына құрмет сезімін тәрбиелеу, құқықтық білім беру, оны насихаттау мақсатында құқықтық дәрістер жүргізу маңызды болып саналады. Бұл жұмыс түрлері арқылы заңды білу мен үйретуге жүзеге асырылады. Азаматтарды жалпы заңды білуге үйрету-құқықтық тәжірибені байытады. Көптеген әлеуметтік желілер, блогерлер мен заңгерлер халықтың құқықтық сауаттылығын арттыруда үлес қосуда. Жұмыс барысында немесе кез келген жағдайларда адам құқығының бұзылуы сипатындағы жағдаятқа тап болғанда, одан шығу жолдарының шешімін табуға жетелеу керек немесе құқыққа байланысты мәселені қойып, соны шешуге бағытталады.

Нормативтік құқықтық актілермен жұмыс мәдениеті – бұл құқықтық білімді, заңнаманы дұрыс қолдану қабілетін, жоғары кәсіби этиканы, заманауи технологияларды меңгеруді және үздіксіз кәсіби дамуды қамтитын кешенді ұғым. Құқықтық мәдениеттің жоғары деңгейі қоғамдағы заңдылық пен әділеттілікті қамтамасыз етуге ықпал етеді. Сондықтан әрбір азамат пен маман заңнамалық актілермен жұмыс істеу мәдениетін қалыптастыруға және жетілдіруге ұмтылуы тиіс.