Тақырыбы

«Ой мен Ойын» мұғалімдер арасындағы интеллектуалды жарыс

Ұйымдастырушылар

Бастауыш сынып мұғалімі Ә.Қ.Шапенова, Мектепалды даярлық тәрбиешісі Б.Г.Халыкова

Күні

8 - ақпан

Мақсаты

Мұғалімдердің кәсіби біліктілігін арттыру, шығармашылық қабілетін шыңдау;

Мұғалімдердің ой-өрісін кеңейту, логикалық және жылдам ойлау дағдыларын дамыту;

Өткізу барысы

Мұғалімдерді есік алдынан мотивациялық сөздермен қарсы алу;

Психологиялық тренинг: «Жаңа тыныс»

Керекті құралдар: түссіз пакеттер, фломастерлер.

Мақсаты: Мұғалімдердің ішкі негатив эмоцияларын, психологиялық қысым мен күйзелісті жеңілдету;

Жағымсыз ойлардан арылып, позитивті көңіл күй қалыптастыру;

1-жүргізуші:

• Ал, енді ойынымызға қош келдіңіздер, сіздерге тек сәттілік тілеймін.

Енді сіздердің топ мүшелерімен, топ атымен, ұранымен таныс болайық.

І – «SmartҰстаз» тобы

ІІ- «ZerdeTeam » тобы

2- жүргізуші:

Қымбатты ойыншылар, біздің ойынымыз ІV – айналымнан тұрады.

I. «Білім бастауы»- бейнесұрақтар бөлімі

II. «Түйдекті ой» -фразеологизмдер бөлімі

III. «Құпия ұяшықтар»- жасырын сұрақтар

IV. «Әріптер лабиринті» сөз құрастыру тапсырмасы

Ендеше , 1 – айналымды бастаймыз. Сіздерге бейне сұрақтар қойылады.

• Әр дұрыс жауапқа 5 ұпай қойылады.

• Әр сұраққа екі топтан бір-бір адам жауап берді .

І – айналым

«Білім бастауы»- бейнесұрақтар бөлімі

1. Бұл қай фильмнен үзінді? («Жау жүрек мың бала»)

2. 7-ші қысқы Олимпиада ойындарында еліміздің спортшылары қоржынға нешінші орын алып, неше алтын, неше күміс, қанша қола салды? 

3. (1 орын, 70 медаль,32 алтын,21 күміс, 17 қола салды) 48/48

4. Сіздерге әйгілі фильмнен үзінді көрсетіледі,бұл қай фильм еді? 

(«Шыңғыс хан»)

ІІ – айналым

«Түйдекті ой» -фразеологизмдер бөлімі

-Ал, енді 2-ші айналымды бастаймыз. Бұл айналым 2 асудан тұрады.Атам қазақ «Аңдымай сөйлеген, ауырмай өледі» деген екен. Ал, біздің айналым аңдап сөйлеп,анық айтқанға 1 ұпай сыйлайды. Бұл кезеңнің мақсатты ойыншылардың сауттылығын тексеру. Әуелі сайыскерлерден сөздердің дұрыс жазылуын қаншалықты білетінін тексереміз.

1-ші асу

І – топ «Қайырымдылық»

ІІ- топ «Сүйіспеншілік»

І – топ «Адамгершілік»

ІІ- топ «Жауапкершілік»

(Компютермен жазылып отыру керек)

2-ші асу

• Енді, қазір сіздермен тұрақты сөз тіркесімен кездесетін боламыз.Қазір, экранға фразеологиялық тіркестер беріледі.Сол тіркестің мағынасы мен баламасын дұрыс айтуларыңыз керек. Дұрыс жауапқа 1 ұпай беріледі.

І – топ Шашбауын көтерді (жағымпазданды)

ІІ- топ Қасқалдақтың қанындай (тапшы, өте аз)

І – топ Аузынан ақ май ағызды (жарылқады, кенелтті)

ІІ- топ Жылан қарақ майы жоқ (арық, көтерем)

ІІІ – айналым

«Құпия ұяшықтар»- жасырын сұрақтар

ІV – айналым

«Әріптер лабиринті» сөз құрастыру тапсырмасы

Шешуші кезең:

-Барын салса, бәрін жеңуге болады. Тапсырма жеңіл, дегенмен бұл кезең жылдамдықты керек етеді. Сіздерге , әрқайсыларыңызға екі әріптен берілген. Қазір мен сіздерге сауал қоям, осы әріптер арқылы жауап берулеріңіз керек. Сөздер 4 әріптен құралады. Жауап беруге 1 мин беріледі.

Бүгінгі «Ой мен ойын» сайысы – ұстаздардың даналығы мен тапқырлығы тоғысқан, шеберлігі мен ізденімпаздығы сыналған ерекше сәт болды. Әріптестеріміз өз білімін ғана емес, ұжымдық бірлікті, шығармашылық ойды, жүрек жылуын да көрсете білді.

Бұл жарыс бізге бір нәрсені тағы дәлелдеді:

– Мұғалім тек оқушыға білім беруші ғана емес,

– Өмір бойы ізденуші,

– Жаңашылдыққа ұмтылушы,

– Жарысқа түсе отырып, жеңісті де, жеңілісті де мәртебемен қабылдай білуші.

Қорытындылай келе, барша қатысушыларды шын жүректен құттықтаймыз!

Бұл білім додасында жеңімпаздан бұрын – әрбір ұстаз жеңімпаз.

Себебі сіздер балаларға үлгі, ұлтқа тірек, болашаққа жол ашушысыздар!

Бүгінгі «Ой мен ойын» нан алған қуатымыз – ертеңгі еңбегімізге шабыт болсын!

«Ой мен Ойын» мұғалімдер арасындағы интеллектуалды жарыстың қысқаша бейнежазбасы:

https://youtube.com/shorts/xJf4tM0SC_w?si=bT_r-8q1HDW7ZFZo