Ойын арқылы баланың тілін дамыту

«Баланың ойын арқылы тілдерін дамыту»

Мектепке дейінгі ұйымдардың маңызды міндеті әр баланың шығармашылық қызметін қамтамасыз етуге, балаға өзін толық жетілдіруге және өзінің белсенділігін көрсетуге, балалармен дамытушы ортаны ұйымдастыру арқылы тәрбиелеу жұмысының дамытушы әсерін арттыруға және педагогикалық үдерісті жетілдіруге мүмкіндік береді. Бала толыққанды дамуы үшін балалар әлемді жарқын, қанық әсермен қабылдайтындай жағдай жасау қажет. Бала – ұлы еліктегіш, толыққанды адам, өзінің дербестігінде бірегей, әуесқой зерттеуші, қоршаған әлемді өзі үшін таңдана және қуанышпен ашушы, әртүрлі белсенді іс-әрекет түрлері үшін оған берілгендердің барлығын пайдалануға ұмтылушы.

Мектепке дейінгі ұйымдардағы педагог қызметкерлердің міндеті - балалардың шығармашылық қабілетін шыңдау, өнер тілі мен әлемнің көркемдігін жаңғырту тәсілдерін тану, еркін таңдауда танымдық-эстетикалық және мәдени-коммуникативтік қажеттіліктерін іске асыру, заттық-кеңістіктік дамытушы ортаны модельдей алу шеберлігінен құралады. Заттық ортаны модельдеу балалардың өзара білім алмасулары, бірлесулері, өзара қарым-қатынастары үшін жағдай жасайды. Осы себепті, баланың жан-жақты дамуына өзінің мазмұны және қасиеттері арқылы әсер ететін дамытушы ортаның ерекшеліктерін ұғыну бүгінде маңызды міндет болып табылады.Осы мақсатта өзім жұмыс атқаратын «Айналайын» ерте жас тобында «Әуе шарлары» тақырыбында ұйымдастырылған ойын іс-әрекетін өткіздім.Әсем безендірілген топқа балалар «Әуе шарымен»ұшып келді.Бүлдіршіндер өте кішкентай болса да көз тартарлық түрлі-түсті шарларды көргенде қуанышты жүздерінен ақ байқауға болар еді.Қол моторикасын дамыту үшін алдын ала дайындалған шарларды тәрбиешінің көмегімен өз түстеріне сай жапсырды,тосын сәтте қонаққа келген сайқымазақпен көңілді ойындар ойнады.

Баланың толықтай дамуы үшін балалар жарқын, көркем өмірді қабылдай алатындай жағдайлар туғызып,жоғарғы топтарға баруға бейімдеп, тәрбиелеу біздің мақсатымыз.

КМҚК«Балапан»бөбекжайының тәрбиешісі: Бектемісова А.Н