өлең "Менің ағам"

Менің ағам

Үлгі тұтар ағам менің сырласым,

Қиын кезде досым және мұңдасым.

Ішкі сырды бөлісетін қашанда,

Ағам менің адал,нағыз жолдасым.

Ағасы бар адамдар шаттанады,

Ағасымен қашанда мақтанады.

Ізін басар інісі барлығына,

Ағамыз да қуанып, мастанады.

«Жақсы аға, алғыр іні» сөз мақалы,

Қазағым түсінеді сөз мақамды.

Аға сыйлар ұрпағымыз көп болғай,

Таң қалдырар ісіменен жер-жаһанды.

Жақсы аға - орман, жақсы – іні қорған,

Сол орманға бақыт құсы келіп қонған.

Отбасымда біздің бақыт – ағамыз,

Бәрімізге тірек, көмек, пана болған.

Менің ағам мақтанышым, бақытым,

Адал дос пен бойымдағы жақұтым.

Ұзақ өмір, зор денсаулық тілерім,

Шарықтай бер көк аспанда ақ құсым!