Өлең Тәуелсіздік жолында өмірін қиған жастарым

Тәуелсіз Қазақстан.

Отыз жыл болды міне бізде азаттық,

Бөтен елдің боданынан босадық.

Ақтап алып, ата-баба үмітін,

Қолда қазір көк ту менен бостандық.

Желтоқсанның қанды, суық күндері,

Қалың әскер қазағымды қорлады.

Азаттықты талап еткен жастарды,

Қарып түсті-ау желтоқсанның ызғары.

Шашынан сүйреп аруды,

Қазақ қызын қорлады.

Кінәсіз жастар сотталып,

Болашаққа балта шабылды.

Өмірден күдер үзіліп,

Тағдырға сенім қалмады.

Шырылдаған ата-ана баласын іздеп зарлады,

Тәуелсіздік жолында жанын қиған жастарым.

Сәбира, Ләззат, Қайраттар

Жанымызда жаңғырып,

Жүректе мәңгі қалады.