Қысқа мерзімді сабақ жоспары

Бөлімі: Спорт. Белгілі спорт жұлдыздары. Морфология

Мектеп:

Күні: 31.01.2025

Мұғалімнің ТАӘ:

Сынып: 6

Қатысқандар саны:

Қатыспағандар саны:

Сабақтың тақырыбы

Олимпиада ойындары

Оқу мақсаттары

6.1.3.1 Тыңдалған мәтіннің мазмұнын түсіну, детальді ақпаратты анықтау;

6.3.1.1. Әртүрлі жанрдағы мәтіндері жазу үшін құрылымын ескере отырып, қарапайым жоспар құру.

Сабақтың мақсаты

• Тыңдалған мәтіннің мазмұнын түсіну, детальді ақпаратты анықтайды;

• Әртүрлі жанрдағы мәтіндері жазу үшін құрылымын ескере отырып, қарапайым жоспар құрады.

Бағалау критерийлері

• тыңдалған мәтіннің мазмұнын түсінеді;

• детальді ақпаратты анықтайды;

• қарапайым жоспар құрады.

Тілдік мақсаттар

Сөздермен жұмыс

Құндылықтар

«Мәңгілік Ел» жалпыұлттық идеясының негізінде Қазақстандық патриотизм және азаматтық жауапкершілік, тұлғалық құндылықтарға баулу.

Осыған дейін меңгерілген білім

«Жер-судың аты – тарихтың хаты»

Сабақтың барысы

Сабақтың басы

5 минут

Ұйымдастыру кезеңі:

• Оқушылармен амандасу, түгендеу;

• Назарын сабаққа аудару;

• Оқу мақсаты, сабақ мақсаты, бағалау критерийлерін таныстыру;

• Үй жұмысын тексеру.

Қызығушылықты ояту: «Кинометография» әдісі.

Суреттегі бейнелер бойынша ой толғаңдар. Ойларыңмен бөлісіңдер.

Сабақтың

ортасы

7 минут

15 минут

5 минут

10 минут

1-тапсырма. Тыңдалым. Мәтінді мұқият тыңда.

Дескриптор: 1 балл

Білім алушы:

• Мәтінді тыңдап, түсінеді. 1 балл

2-тапсырма. «Еркін микрофон» әдісі. Сұрақтарға жауап бер.

•Автордың спортқа қатысты ойларымен келісесің бе? Неліктен? Өз пікіріңді дәлелде.

•Спортпен шұғылданатын адамдарда қандай қасиеттер болады? Спорттың денсаулыққа зиян келтіретін тұстары бар ма?

Дескриптор: 1 балл

Білім алушы:

• Сұрақтарға жауап береді. 1 балл

3-тапсырма. Суреттегі оқиғаларды өзара байланыстырып сөйлем құрап, ауызша жауап беріп көр. «Не істеді?», «Қайтті?» деген сұрақтарға жауап ізде, іс-қимылды, әрекетті сипатта. 128 бет.

Дескриптор: 1 балл

Білім алушы:

• Әр суреттегі оқиғалар бойынша сөйлем құрады. 1 балл

ТІЛДІК БАҒДАР

Етістік – заттың қимылын, іс-әрекетін білдіретін сөз табы. Етістік не істеді? не істеп? не қылды? қайтті? қайтіп? деген сұрақтарға жауап береді. Мысалы: Бала ойнады (не істеді?). Жастар форумы сағат екіде басталады (не істейді?). Олар ертең Есік көліне жорыққа аттанбақ (не қылмақ?).

4-тапсырма. Берілген сөздердің қайсысы негізгі етістік, қайсысы туынды етістік екендігін анықта.

Үйрен, отыр, төсе, қоюланып, ағарды, жеткіз, аула, қара, жүгір, баратын, кел, ал, көмектес, таран, жаз.

Дескриптор: 1 балл

Білім алушы:

• Берілген сөздердің қайсысы негізгі етістік, қайсысы туынды етістік екендігін анықтап, бөліп жазады. 1 балл

Жауабы:

Негізгі етістіктер:

Үйрен, отыр, тесе, жеткіз, қара, жүгір, баратын, кел, ал, таран, жаз.

Туынды етістіктер: Қоюланып, ағарды, аула, көмектес.

Қоюланып түбірі «қою» сын есім, -лан сын есімнен етістік тудырушы жұрнақ, -ып көсемшенің жұрнағы.

Ағарды түбірі «ақ», сын есім, -ар сын есімнен етістік тудырушы жұрнақ, -ды жедел өткен шақтың жұрнағы.

Аула – түбірі, «ау» зат есім, -ла зат есімнен етістік тудырушы жұрнақ.

Көмектес - түбірі «көмек» зат есім, -тес зат есімнен етістік тудырушы жұрнақ.

5-тапсырма. Оқылым. «Оймоншақ» әдісі. Мәтінді оқы.

Қазіргі заманғы Олимпиада ойындары – 2000 жылдан астам уақыт бұрын Ежелгі Грекияда өткен дәстүрлі спорт жарыстарының жалғасы. Сондықтан Ежелгі Грекия Олимпиада ойындарының отаны деп саналады. Олимпиада ұраны үш латын сөзінен құралып, «тезірек, биігірек, күштірек» деген мәнде жұмсалады. Олимпиада ойындарының ажырамас символы – олимпиада оты. Қазірге дейін қасиетті Кронос тауының етегінде, Алфей өзенінен алыстау жерде Гера шіркеуінің жанында қазіргі олимпиада ойындарының оты ойын басталғанға дейін бірнеше ай бұрын жағылады. Бұл рәсімді 11 әйел адам жүргізіп, таң ата Олимп отын жағады. Олимпиада оты эстафета арқылы атлеттен атлетке жетіп, бірнеше айда ойын басталатын жерге келіп жетеді. Отты өшіру ойынның аяқталғанын білдіреді. Ежелгі Грекияда от қасиетті деп саналған, Прометейдің құдайлардан ұрлап алып халыққа сыйға берген оты Грекияның қасиетті жерлерінде үнемі жанып тұрады. Олимпиада ойындарының ресми эмблемасы бір-біріне шырмала бекітілген бес сақина – бес құрлықтың халқы дегенді білдіреді. Сақинаның көк түсі – Еуропаны, қара түс – Африканы, қызыл түс – Американы, сары түс – Азияны, жасыл түс Австралияны бейнелейді. Бұл символды қазіргі олимпиада ойындарының негізін салушы, француз ақсүйегі барон Пьер де Кубертен енгізді.

(«Әлемдік және ұлттық спорт түрлері» кітабынан)

Дескриптор:

Білім алушы:

• Мәтінді түсініп оқиды. 1 балл

7-тапсырма. Мәтіннің екінші абзацындағы бірінші сөйлемде қанша етістік бар екендігін және оның құрамын анықта.

Дескриптор: 1 балл

Білім алушы:

• Мәтіннің екінші абзацындағы бірінші сөйлемде қанша етістік бар екендігін және оның құрамын анықтап жазады. 1 балл

Жауабы:

Өткен құрамына қарай дара етістік, себебі бір ғана сөзден тұрады.

Құралып, жұмсалады, жағылады, жүргізіп, жағады жетіп, өшіру, білдіреді, саналған, берген құрамына қарай дара етістіктер, себебі бір ғана сөзден тұрады.

Келіп жетеді құрамына карай күрделі етістік, себебі екі сөзден тұрады. Келіп негізгі етістік, жетеді көмекші етістік.

Ұрлап алып кұрамына карай күрделі етістік, себебі екі сөзден тұрады. Ұрлап негізгі етістік, алып көмекші етістік.

Жанып тұрады құрамына қарай күрделі етістік, себебі екі сөзден тұрады. Жанып негізгі етістік, тұрады көмекші етістік.

8-тапсырма. Мәтін мазмұнына сәйкес жауаптарды белгіле. Жауабыңды дәлелде.

Мәтіндегі ақпарат (Дұрыс/Бұрыс)

Ежелгі Африка Олимпиада ойындарының отаны деп саналады.

Қазіргі заманғы Олимпиада ойындары 2000 жыл бұрын пайда болған.

Олимпиада ойындарының оты ойын басталғанға дейін бірнеше ай бұрын жағылады. Олимпиада ойындарының ажырамас символы – бес сақина.

Ежелгі Грекияда от қасиетті деп саналған.

Дескриптор: 1 балл

Білім алушы:

• Мәтін мазмұнына сәйкес жауаптарды белгілейді. 1 балл

Жауабы:

Ежелгі Африка Олимпиада ойындарының отаны деп саналады. -

Қазіргі заманғы Олимпиада ойындары 2000 жыл бұрын пайда болған. +

Олимпиада ойындарының оты ойын басталғанға дейін бірнеше ай бұрын жағылады.+ Олимпиада ойындарының ажырамас символы – бес сақина.+

Ежелгі Грекияда от қасиетті деп саналған.+

9-тапсырма. Мәтін мазмұны бойынша сөздерді қандай ақпарат беретіндігіне сәйкес белгіле.

Негізгі ақпарат

Қосымша ақпарат

Детальді ақпарат

Прометей, Пьер де Кубертен, көк түс, Австралия, бес сақина

қасиетті Кронос тауы, 11 әйел адам, «тезірек, биігірек, күштірек», Гера шіркеуі

олимпиада ойындары, олимпиада оты, олимпиада ұраны, отты өшіру, жағу

Дескриптор: 1 балл

Білім алушы:

• Мәтін мазмұны бойынша сөздерді қандай ақпарат беретіндігіне сәйкес дұрыс белгілейді. 1 балл

Жауабы:

Негізгі ақпарат: олимпиада ойындары, олимпиада оты, олимпиада ұраны, отты өшіру, жағу

Қосымша ақпарат: Прометей, Пьер де Кубертен, көк түс, Австралия, бес сақина қасиетті

Детальді ақпарат: қасиетті Кронос тауы, 11 әйел адам, «тезірек, биігірек, күштірек», Гера шіркеуі

Үй жұмысы: 132 бет 11 тапсырма

Оқулықпен жұмыс

6-сынып «Қазақ тілі» оқулығы

Жарайсың!

Сенің пікіріңмен келісемін!

Оқулықпен жұмыс

6-сынып «Қазақ тілі» оқулығы

Сабақтың соңы

3 минут

Кері байланыс

«Смайлик» әдісі. Оқушының сабақ соңындағы көңіл күйі сұралады.

Бағалау

Сабақтың соңында мұғалім бағалау критерийлері мен сабақ мақсаттарына қайта оралады. Бағалау критерийлеріне қаншалықты қол жеткізгендері туралы бірге талқылайды.

«Блоб ағашы»

Сіз қай кейіпкерге ұқсайсыз? Неліктен?

«Блоб ағашы» тәсілі арқылы оқушы өзін-өзі бағалайды.

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс
Құндылықтармен байланыс (тәрбиелік элемент)