Сабақ мақсаты:

• Оқушылардың өзін-өзі тану, өмір құндылықтары туралы түсініктерін кеңейту

Сабақтың міндеттері:

• Өзін және өмірді тануға қызығушылықтарын арттыру

• Өмірге деген сүйіспеншіліктерін дамыту

• Сыйластыққа, кішіпейілділікке тәрбиелеу

Ресурстар:(құралдар, мәлiметтер)

Сабақ барысы:

1.Ұйымдастыру кезеңi. (1 мин)

2.Тыныштық сәтi. (3 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

3.Үй тапсырмасын тексеру. (10 мин)

Өзім-өзім танумен өсіп келем

• Жазғы демалысты қалай өткіздіңдер?

• Өзін-өзі тану пәнінен үйренгендеріңді естеріңе түсіріп айтып беріңдер?

• Қандай өзгерістер байқауға болады?

Сабақ барысын талқылау:

4.Дәйексөз. (5 мин)

«Адам өміріндегі ең қажетті білім - өзін-өзі тану»

Б.Фонтенель

• Қалай түсінесіңдер?

• Тарқатып айтып беріңдер?

5.Әңгiмелеу (сұхбат). (10 мин)

Екі дос және қария

• Неліктен адамдар екіншісі туралы естеріне алмады деп ойлайсыңдар?

• Екі достың әрекеттеріне деген көзқарастарың қандай?

6.Шығармашылық жұмыс, топтық жұмыс. (10 мин)

Қасыңдағы көрші отырған оқушының бойындағы өте жақсы қандай қасиеттер бар. Соны тізбектеп жазып айтып беріңдер?

7.Топпен ән айту. (3 мин)

Ризамын, ризамын

Л.Хей

8.Үй тапсырмасы. (1 мин)

Дәптердегі тапсырманы орындау және «Мен көмектестім...» тақырыбында шығарма жазу

9.Сабақтың соңғы сәтi. (2 мин)

(Тыныштық... бар жерде, тыныштық... бүкiл әлемде)

Оқушылар денесін, басын тік ұстап, көзін жұмып отырады.

Мұғалім жәй дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»