Сабақтың мақсаттары:Келешек ұрпақтың  көрегенді, тәрбиелі де әдепті болуын алдын ала ойластыру, ата – аналар мен мектептің арасындағы байланысты нығайту.

Сабақтың формасы: Сайыс сабақ.

Сабақтың көрнекіліктері: «Мен және отбасым» атты қабырға газеті, мақал – мәтелдер, нақыл сөздер.

Мұғалімнің кіріспе сөзі

Қайырлы күн, құрметті ұстаздар, ата – аналар, оқушылар!

Бүгін біз келешек ұрпағымыз көрегенді, тәрбиелі де әдепті болуын алдын ала ойластыру, ата – аналар мен мектептің арасындағы байланысты нығайту мақсатында «Өнегелі отбасы» тақырыбында сайыс сабақ өткізгелі отырмыз.

Адам артына із қалдыру үшін жер бетінде, басқа адамдардың ақыл-ой дүниесінде, жүрегінде із қалдыру үшін  туады демекші, ата – ана өмірге ұрпақ әкелген соң оның жақсы азамат болып өсуіне, тәрбиесінің дұрыс болуына мән беріп, аса бір ілтипатпен қарайды. Ал осындай саналы да тәрбиелі ұрпақтың өсуіне ата – анамен бірге мектеп ұжымы да бірдей ат салысады.

Балалық шақ – адам өміріндегі қайталанбайтын маңызды шақ. Балаға деген қарым – қатынасымыз о бастан қандай болса, баланың жеке басы соған қарай қалыптасады. Баланың жеке бас қасиеттерін дер кезінде байқау – келешекте оның жақсылыққа жақын болуына, ата – ананы қадірлеп, өмірден өз орнын табуға көмектеседі.

Сіздерді бүгінгі сабағымыздың қонақтарымен таныстырып өтейін:  (отбасылар)

айыс шарттары мынадай:

1. «Жеті атасын білген ер, жеті жұрттың қамын жер» — таныстыру.

2. «Білгенге – маржан…» — сұрақ-жауап.

3. «Тәрбие тірегі отбасында» — жағдаят сұрақтарына жауап беру.

4. «Баланың бас ұстазы – ата — ана» — тірек – схема құрастыру.

Әділ қазылар алқасының көмегімен бағаланады: (Әділ қазылармен таныстыру).

1. Сайыс. Таныстыру

«Жеті атасын білген ер, жеті жұрттың қамын жер» — таныстыру.

2. Сайыс. «Білгенге – маржан…» — сұрақ-жауап.

№1 отбасына қойылатын сұрақтар:

1.Үш би  — Әйтеке, Төле, Қазыбек.

 2.Адасқанда бағыт көрсететін жұлдыз – Темірқазық.

3.Қазақтың ұлттық музыкалық аспаптары – Домбыра, қобыз, жетіген.

4.ҚР мемлекеттік рәміздерін ата — Әнұран, елтаңба, ту.

5.Бала өмірге келгенде болатын той – Шілдехана.

 6.Сынған сүйекті салушы – Сынықшы.

7.Мұсылман дінінің пайғамбары – Мұхаммед Пайғамбар.

 8.Ұясы жоқ құс – Көкек.

 9.Оралхан Бөкейдің туған жері – Катонқарағай.

 10.Бала – балың,

Немере …(жаның).

№2 отбасына қойылатын сұрақтар:

1.Жеті күн – Дүйсенбі, сейсенбі,…

 2.Бір мүшелде неше жыл болады? – 13 (12).

3.Қырық өтірікті айтқан бала – Тазша бала.

 4.ҚР мемлекеттік тілі – Қазақ.

5.Қуанышты хабар үшін сұралады – Сүйінші.

6.Қажымұқан Мұңайтпасұлы кім? – Палуан.

7.Ағаштан жасалған су тасуға арналған құрал – Иін ағаш.

8.Жылқыда өт жоқ, құста … (сүт жоқ).

9.Ш. Уәлиханов қай облыста дүниеге келген? – Қостанай.

 10.Әке – асқар тау, Ана – бауырындағы бұлақ, Бала — … (жағасындағы құрақ).

№3 отбасына қойылатын сұрақтар:

1.Қазақтың киелі сандары – 3,7,9,…

2.Қазақтың атақты күйшілері – Құрамнғазы, Дина, Қазанғап.

3.Қазақтың халық ауыз әдебиетіндегі күлдіргі кейіпкер – Алдар Көсе.

4.ҚР Конституциясы қай жылы қабылданды? – 1995 жылы.

5.Балалр дүниеге келмей жатып екі жақтың құдаласу салты – Атастыру.

 6.Қазақта халық емшісін кім деп атайды? – Тәуіп.

 7.Талқан түюге арналған көне құрал –

Келі, келсап.

8.Бақыт құсы – Аққу.

9. Абай мұражайы қай жерде орналасқан? – Семей.

 10.Бала тілі — … (бал).

«Тәрбие тірегі отбасында» — жағдаят сұрақтарына жауап беру.

 №1 отбасына қойылатын сұрақтар:

Ата – анаға:Балаңыз кішкене дауыс көтерсеңіз болды, «үйден кетемін» деп ашулана бастайды. Мұндай жағдайда қандай шара қолданар едіңіз?

Балаға:Ата – анаң қатты дауыс көтерсе немесе ұрса сен қандай әрекет жасайсың?

№2 отбасына қойылатын сұрақтар:

Ата – анаға:Балаңыз мектепте сынып жетекшісімен келіспей қалды. Жағдай ушығып барады. Бала, тіпті мектепке барғысы келмейді. Сіз қандай жол табар едіңіз?

Балаға:Сынып жетекшісімен келіспей қалсаң, не істер едің?

№3 отбасына қойылатын сұрақтар:

Ата – анаға:Сіз балаңыздың өзінен үлкен балаға ақша беріп жүргенін көршіңізден естідіңіз. Сіздің әрекетіңіз?

Балаға:Жасы үлкен бала сенен ақша талап етеді. Осы жағдайда не істер едің

1.«Баланың бас ұстазы – ата — ана» — тірек – схема құрастыру.

 2.«Тәрбие көзі не?»

3.«Ата – ана алдындағы борышым

Көрермендермен сұхбат жүргізу: Қай отбасы жеңіске жетеді деп есептейсің?

Қорытынды: Мұғалім жалпылама қорытынды жасап, әділ қазылар алқасы берген бағасысмен таныстырып мынадай номинациялар бойынша марапаттаулар жүргізеді:

«Өнегелі отбасы»;

«Ең өнерлі отбасы»;

«Ең білімді отбасы».