«Өнерлі ұстаз – 2024»

Біртұтас тәрбие аясында 2024-2025 оқу жылының жоспарына сәйкес, Жетісай ауданының білім бөлімі, Түркістан облысы білім басқармасының 2024 жылғы 10 қазандағы №340 бұйрығына сәйкес «Өнерлі ұстаз- 2024» байқауына «№25 жалпы білім беретін мектеп» коммуналдық мемлекеттік мекемесінен мектептің Арнайы педагог маманы Мырзахан Жанат Бауыржанқызы қатысты. Мектептің Арнайы педагог маманы Мырзахан Жанат Бауыржанқызы 1999 жылы 22 сәуірде Жетісай ауданы,Жылы су ауылына қарасты Мырзашоқы ауылында дүниеге келген. 2016жылы Мырзашоқы ауылындағы «№30 І.Жансүгіров атындағы жалпы орта мектебін» үздік аяқтаған. Сол жылы Қазақ Ұлттық Қыздар Педагогикалық Университетіне «Дефектология» мамандығына оқуға түседі. 2020жылы осы оқу орнын қызыл дипломмен бітіреді. 2020 жылы қыркүйек айынан бастап,Жетіай ауданы , Жылы су ауылындағы «№25 жалпы білім беретін мектепке» Арнайы педагог маманы болып жұмысқа ортанласады. Қазіргі таңда отбасылы,екі баланың анасы.Еңбек өтілі 4 жыл. «Өнерлі ұстаз -2024» байқауын өткізудегі мақсат біртұтас тәрбие бағдарламасы аясында педагогтердің шеберлігін,сахна мәдениеті,сөз саптауы, ата-бабамыздан келе жатқан ізгілік пен инабаттылықты көрсету. Жанат қызымыз үш турдан тұратын байқауда таныстыруын өз шеберлігіне салып айтып ,қазылар алқасының ықылысына бөленді. Екінші туры «Дублёр » шарты бойынша білікті ұстазымыз Жанат кәсіби шеберлігінің арқасында өзіне түскен Педагог ұйымдастырушы дублёрін өз шеберлігімен орындап, көрерменнің көңіл- күйін көтеріп, тапсырманы өз дәрежесінде орындап шықты. «Өнерлінің өрісі - кең» демекші «Өз өнері» турында М.Мақатаевтың «Шеше сен бақыттысың» өлеңін нақышына келтіріп , сахналық көрініспен оқып, ананы құрметтеу керектігін,жәннат ананың табанының астында екенін дәріптеп көрсете білді. Білімді, білікті, инабатты , жан – жақты даму үстіндегі жас әрі көрікті ұстаз Жанат қызымыз «Өнерлі ұстаз -24» байқауына қатысып, аудандық іріктеу кезеңінен І орынды иеленіп қайтты. Өз өнерімен көпшілікті тәнті етті.