Оқу мұражайлық практика есебі

Оқу-мұражайлық практиканың есебі

Мен 16.04.2024 ж №274 бұйрық негізінде 27.05.24-31.05.24 жыл аралығында оқу мұражайлық практикадан өттім.

Осы аралықта кестеге сай Алматы қаласындағы Ә.Қастеев атындағы ҚР Мемлекеттік өнер мұражайындағы қазақ және де шетел суретшілерінің туындыларымен,Тараз қаласындағы Орталық көрме залындағы жергілікті суретшілердің шығармашылық жұмыстарымен таныстым.

27.05.24 ж-Алматы Қаласы Ә.Қастеев атындағы ҚР Мемлекеттік өнер мұражайымен таныстым.Мұражайда 23 000 бағалы экспонаттар бар. Ұлттық және әлемдік мәдениетінің қазынасы мұражайдың 14 залында көрсетілген.Мұражай қорына бұрынғы шеберлердің суреттері, бұрынғы орыс өнері (иконалар), Қазақстан суреттері, графика, зергерлік бұйымдар, тері, тігіншілік, киіз, гобелен, қазіргі сәндік-қолданбалы өнері және мүсіндер кіреді.

28.05.24 ж Ә.Қастеевтің шығармашылығымен оның ішінде ең атақты картиналары Колхоздағы сүт ферма», «Мақта жинау», «Колхоздың тойы», «Қыз алып қашу», «Сатып алынған қалыңдық»,Медеу мұз айдыны», «Түрксіб», «Талас жағалауы»,Сонымен қатар Кенесары Қасымов, Абай, Шоқан Уәлиханов, Жамбылдың,«Амангелді Иманов» портреті сияқты танымал картиналарымен таныстым.

29.05.24ж Қазақстан суретшілерінің туындыларымен таныстым.А.Ғалымбаеваның «Үңгіртас тауларында»,«Үш ғасыр»,«Батыр ана»,Сонымен қатар "Күләш Байсейітова Қыз Жібек рөлінде" "ұйғыр қыздары" картиналарының, "Халық шеберлері" триптихының,Ш.Б. Жиенқұлова, Ә. Қастеев портреті мен көптеген натюрморттардың авторы Г.Ысмайылованың жұмыстарымен қатар бірнеше қазақ суретшілерінің туындыларымен таныстым.

30.05.24ж Тараз қ Орталық көрме залындағы жергілікті суретшілердің шығармашылық жұмыстарымен,ары қарай "Қарахан" мазары мен Қали-Жүніс моншасының салыну тарихы,сәулет өнерімен таныстым.

31.05.24 ж Айша бибі кесенесінде болдым.Күйдірілген сары балшықтан жасалған және 60 түрлі ою-өрнекпен безендіріліп, сәнделген кесененің аңыз,тарихымен таныстым.Ары қарай Талас өзенінің оң жағалауында орналасқан XIV ғасыр сәулет ескерткіші Тектұрмас мазарының сәулет өнерімен және де тарихымен таныстық.Кесене күйдірілген кірпіштен салынған күмбезді төртбұрышты ғимарат. Сүйір аркалы кіреберіс батысқа Тараз қаласына қарап тұр. Кесене бұрышы пилястрмен аяқталады, қабырғаларда сылақ іздері бар.