Оқушы шығармашылығынан

«Ақмола облысы білім басқармасының

Степногорск қаласы бойынша білім бөлімі

Степногорск қаласының

Қаныш Сәтпаев атындағы № 9

жалпы орта білім беретін мектебі» КММ

Турахмаксум Аянат Ерланқызы, 10-сынып оқушысы

«Сегіз аяқ» ізімен...

Жүректі қозғап,

Ой кетті боздап,

Ақылмен, еспен түйсініп.

Жаныңа батып,

Санаңды ашып,

Абайдың сөзі қазына.

Ондай дана кезікпес,

Ұғам десең, бол серіктес!

Анамның тілі,

«Өткірдің жүзі»,

Ұлтым сенсіз жоқ болар.

Білгенге - дана,

Наданға - дауа,

Талпынса жүрек қабылдар.

«Қиналма бекер тіл мен жақ»,

Түсінсін деп бекер-ақ.

Ата салт - асыл мұрат,

Бабадан қалған аманат.

Ғасырлар өткен,

Даналар өпкен,

Бар ма басқа асыл зат?!

Білген болса, жаңылмас,

Санасызға табылмас,

Заман азса, болар қат!

Ұмытсаң әдет-ғұрыпты,

Сонда келер көзге жас.

Ойсызға жеңіл,

Ойлыға терең,

Болмасаңшы ұлтқа қас!

Қазағым – кеніш,

Тәрбие – беріш,

Алаңдама жатқа бос.

Телефонға телмірген,

Сол өмірді жөн көрген,

Құрбыларға қарным аш.

«Ғаламторым -күнім» деп,

Шын өмірден алыстап,

Денсаулығын қор қылған.

Байланыс бар, -жаны жоқ,

Жүректерге жылу жоқ.

Ұлттың рухын көтерер,

Ұлансың сен, ұмытпа.

Ғаламторды саралап,

Құстай самға ғылымға.

Ең бастысы өз – өзің,

Жолыңды тап, адаспа.

Ұлтыңды таны, биікте,

Жетерсің сен де мұратқа!

Туған өлкем - Степногорск

Әлдилеп бесігімде аялаған,

Туған қалам – Степногорск, сая маған.

Күнім жоқ келбетіңе тамсанбаған,

Мейірін шексіз төккен бейне анаң.

Степногорск! Еңсесі биік өр қалам,

Сағынады алыс кетсе бұл балаң.

Жаның менен туған мекен біртұтас,

Отбасындай қолдаушың, берік тағаң.